QMA Jetisý oblysy boiynsha departamenti turǵyn úilerdiń qurylysy kezinde biýdjet qarajatyn jymqyrý faktisi boiynsha tergeý júrgizýde, dep habarlaidy Dalanews.kz.
2021 jyly tapsyrys berýshi men merdiger uiym arasynda jalpy somasy 1,7 mlrd teńgege eki kópqabatty turǵyn úi salýǵa kelisimsharttar jasalǵan.
Alaida qol qoiylǵan oryndalǵan jumystar aktilerine qaramastan, birqatar qurylys-montaj jumystary is júzinde atqarylmaǵan.
Josparlanǵan toǵyz qabattyń tek jeteýi ǵana turǵyzylǵan, jylytý, sýmen jabdyqtaý, elektr jaryqtandyrý jumystary júrgizilmegen, sonymen qatar syrtqy árleý jumystary joq.
Osylaisha, qurylys aiaqtalmai, nysandy paidalanysqa berý merzimderi buzylǵan. Memleketke keltirilgen shyǵyn 152 mln teńgeden asqan.
Sot sanktsiiasymen qurylysshy kompaniianyń múlkine tyiym salyndy.
Is boiynsha kúdikti retinde merdiger uiymnyń direktory jáne qurylysqa tehnikalyq qadaǵalaý jasaǵan kompaniia qyzmetkerleri tanyldy.
Tergeý jalǵasýda.
QR QPK-niń 201-babyna sáikes ózge aqparat jariialaýǵa jatpaidy.
