قما جەتىسۋ وبلىسى بويىنشا دەپارتامەنتى تۇرعىن ۇيلەردىڭ قۇرىلىسى كەزىندە بيۋدجەت قاراجاتىن جىمقىرۋ فاكتىسى بويىنشا تەرگەۋ جۇرگىزۋدە، دەپ حابارلايدى Dalanews.kz.
2021 جىلى تاپسىرىس بەرۋشى مەن مەردىگەر ۇيىم اراسىندا جالپى سوماسى 1،7 ملرد تەڭگەگە ەكى كوپقاباتتى تۇرعىن ءۇي سالۋعا كەلىسىمشارتتار جاسالعان.
الايدا قول قويىلعان ورىندالعان جۇمىستار اكتىلەرىنە قاراماستان، ءبىرقاتار قۇرىلىس-مونتاج جۇمىستارى ءىس جۇزىندە اتقارىلماعان.
جوسپارلانعان توعىز قاباتتىڭ تەك جەتەۋى عانا تۇرعىزىلعان، جىلىتۋ، سۋمەن جابدىقتاۋ، ەلەكتر جارىقتاندىرۋ جۇمىستارى جۇرگىزىلمەگەن، سونىمەن قاتار سىرتقى ارلەۋ جۇمىستارى جوق.
وسىلايشا، قۇرىلىس اياقتالماي، نىساندى پايدالانىسقا بەرۋ مەرزىمدەرى بۇزىلعان. مەملەكەتكە كەلتىرىلگەن شىعىن 152 ملن تەڭگەدەن اسقان.
سوت سانكسياسىمەن قۇرىلىسشى كومپانيانىڭ مۇلكىنە تىيىم سالىندى.
ءىس بويىنشا كۇدىكتى رەتىندە مەردىگەر ۇيىمنىڭ ديرەكتورى جانە قۇرىلىسقا تەحنيكالىق قاداعالاۋ جاساعان كومپانيا قىزمەتكەرلەرى تانىلدى.
تەرگەۋ جالعاسۋدا.
ق ر قپك-نىڭ 201-بابىنا سايكەس وزگە اقپارات جاريالاۋعا جاتپايدى.
