Jetisý oblysynda balalar mekteptegi informatika kabinetindegi kompiýter arqyly eresekterge arnalǵan saittarǵa, sondai-aq "Igra Satany" atty dini resýrsqa kirgeni anyqtaldy, dep jazady Dalanews.kz.
Búgin, 27 qańtarda Jetisý oblysynyń prokýratýrasy balalardy qorǵaý maqsatynda tyiym salynǵan saittardy buǵattaǵanyn habarlady.
"Balalarǵa qatysty zańǵa qaishy is-áreketterge, sonyń ishinde internet resýrstary arqyly bolsa erekshe nazar aýdarylady. Osylaisha, Kóksý aýdanyndaǵy 7 mektepte 4 myń oqýshy informatika kabinetindegi tyiym salynǵan saittarǵa, sonyń ishinde "Igra Satany" dini resýrsyn jáne mazmuny eresekterge arnalǵan saittarǵa kirgen. Prokýrorlyq qadaǵalaý aktisimen bul saittar buǵattalǵan. 7 muǵalim jol berilgen buzýshylyqtary úshin tártiptik jaýapkershilikke tartyldy", delingen prokýratýra habarlamasynda.
Prokýratýra ata-analardy balalardyń virtýaldy belsendiligin únemi qadaǵalap otyrýǵa jáne olardyń minez-qulqyndaǵy ózgeristerge nazar aýdarýǵa shaqyrady.
