Jetisý oblysynda jalpy quny 9 mln teńgeden asatyn mal urlyǵy ashyldy,- dep habarlaidy Dalanews.kz
Oblystyq politsiia departamentiniń málimetinshe, 7 maýsym kúni Muqanshy aýyldyq okrýginiń jaiylymynan belgisiz bireýler 9 bas iri qarany qoldy etken. Jábirlenýshige keltirilgen materialdyq shyǵyn kólemi 2,5 million teńgeni quraǵan. Alaida bul – olardyń jalǵyz qylmysy emes eken. Arada birneshe kún ótken soń, sol óńirdegi Alǵabas aýyldyq okrýgi aýmaǵynda taǵy bir derek tirkeldi. Bul joly qaskóiler 14 bas iri qarany aidap áketip, sharýashylyq iesine 7 million teńgeden astam shyǵyn keltirgen.
Atalǵan derekter boiynsha Kóksý aýdandyq politsiia bóliminiń jáne oblystyq Kriminaldyq politsiia basqarmasynyń qyzmetkerleri jedel-izdestirý is-sharalaryn júrgizdi.
"Nátijesinde 51 jáne 37 jastaǵy eki kúdikti qolǵa tústi. Ekeýi de Kóksý aýdanynyń jergilikti turǵyndary bolyp shyqty. Operatsiia barysynda MAN júk kóligi toqtatylyp, kólik ishinde urlanǵan maldyń satyp alýshysy retinde Almaty oblysynyń turǵyny ustaldy. Tekserý kezinde júk bóliginen jábirlenýshilerge tiesili 14 bas iri qara mal tabylyp, tárkilendi", - delingen habarlamada.
Qazirgi ýaqytta atalǵan derekter boiynsha Qazaqstan Respýblikasy Qylmystyq kodeksiniń mal urlyǵyna qatysty baby boiynsha qylmystyq is qozǵaldy.
Zań boiynsha mundai qylmys úshin úsh jyldan jeti jylǵa deiingi merzimge bas bostandyǵynan aiyrý jáne múlkin tárkileý túrindegi jaza qarastyrylǵan.
