Jetisý oblysynda kúieýi atpen súirep óltirdi dep aiyptalǵan 32 jastaǵy Aizat Jumanovaǵa qatysty qylmystyq is boiynsha sot otyrysy 27 qarashada bastalatyny belgili boldy, dep habarlaidy Dalanews.kz.
Qaiǵyly oqiǵa 2025 jyldyń shildesinde Balasaz aýylynda tirkelgen. Marqumnyń týysy Raýshan Dáýrenbekovanyń sózinshe, istiń jai-japsaryn anyqtaý maqsatynda Aizat Jumanovanyń denesi eksgýmatsiialanyp, qaita saraptama júrgizilgen. Bul saraptama kúdiktige taǵylǵan aiypty aýyrlatýǵa negiz bolypty.
Bastapqyda is Qylmystyq kodekstiń 106-baby 3-bóligi – densaýlyqqa qasaqana aýyr ziian keltirip, abaisyzda adam ólimine ákep soǵý boiynsha tergelgen. Alaida marqumnyń jaqyndary alǵashqy saraptama qorytyndysyna senbei, qaita tekserýdi talap etken.
Olardyń aitýynsha:
«Máiitti qaita qazyp, eksgýmatsiia jasaýǵa ótinish berdik. Taldyqorǵanda jasalǵan saraptamaǵa kóńilimiz tolmady. Almatyda qaita tekserdik. 58 kúndik saraptamadan keiin is ‘asa qatygezdikpen kisi óltirý’ babyna (QK 99-bap, 3-bólik) qaita saralandy», – deidi týystary.
Aizat Jumanovanyń jaqyndary endigi úmit – istiń ádil qaralýynda ekenin jetkizdi.
