Jetisý oblysynda jeke sot oryndaýshylardyń júzdegen million teńge kólemindegi jasyryn tabystary anyqtaldy, dep habarlaidy Dalanews.kz.
Taldyqorǵan qalasynyń prokýratýrasy júrgizgen taldaý nátijesinde 2023 jyly jeke sot oryndaýshylardyń jeke tabys salyǵy boiynsha 240.00 nysanda tapsyrǵan deklaratsiialarynda kiristerdiń aitarlyqtai tómen kórsetilgeni anyqtaldy. Mundai "kóleńkeli" tásil tek salyq zańnamasyn buzyp qana qoimai, adal salyq tóleýshilerge qatysty ádildik qaǵidattaryn da aiaq asty etedi.
Statistikalyq derekterge sáikes, aiaqtalǵan atqarýshylyq óndiristerdiń naqty kólemi 896,1 mln teńgeni quraidy. Alaida salyq organdaryna tapsyrylǵan deklaratsiialarda bar bolǵany 231 mln teńge ǵana kórsetilgen. Aiyrmashylyq — 665,1 mln teńge.
Prokýratýranyń usynysynan keiin úsh jeke sot oryndaýshy qosymsha salyq deklaratsiialaryn tapsyryp, sonyń negizinde 2,6 mln teńge kóleminde qosymsha salyq tólegen.
Sonymen qatar osyndai zańbuzýshylyqtar taǵy 17 jeke sot oryndaýshydan anyqtalǵan. Qazirgi ýaqytta ýákiletti organ prokýrorlyq qadaǵalaý aktisin oryndaý maqsatynda JSO-lardyń salyq bereshegin óndirip alý boiynsha sharalar qabyldaýda.
