جەتٸسۋ وبلىسىندا جەكە سوت ورىنداۋشىلاردىڭ جٷزدەگەن ميلليون تەڭگە كٶلەمٸندەگٸ جاسىرىن تابىستارى انىقتالدى, دەپ حابارلايدى Dalanews.kz.
تالدىقورعان قالاسىنىڭ پروكۋراتۋراسى جٷرگٸزگەن تالداۋ نەتيجەسٸندە 2023 جىلى جەكە سوت ورىنداۋشىلاردىڭ جەكە تابىس سالىعى بويىنشا 240.00 نىساندا تاپسىرعان دەكلاراتسييالارىندا كٸرٸستەردٸڭ ايتارلىقتاي تٶمەن كٶرسەتٸلگەنٸ انىقتالدى. مۇنداي "كٶلەڭكەلٸ" تەسٸل تەك سالىق زاڭناماسىن بۇزىپ قانا قويماي, ادال سالىق تٶلەۋشٸلەرگە قاتىستى ەدٸلدٸك قاعيداتتارىن دا اياق استى ەتەدٸ.
ستاتيستيكالىق دەرەكتەرگە سەيكەس, اياقتالعان اتقارۋشىلىق ٶندٸرٸستەردٸڭ ناقتى كٶلەمٸ 896,1 ملن تەڭگەنٸ قۇرايدى. الايدا سالىق ورگاندارىنا تاپسىرىلعان دەكلاراتسييالاردا بار بولعانى 231 ملن تەڭگە عانا كٶرسەتٸلگەن. ايىرماشىلىق — 665,1 ملن تەڭگە.
پروكۋراتۋرانىڭ ۇسىنىسىنان كەيٸن ٷش جەكە سوت ورىنداۋشى قوسىمشا سالىق دەكلاراتسييالارىن تاپسىرىپ, سونىڭ نەگٸزٸندە 2,6 ملن تەڭگە كٶلەمٸندە قوسىمشا سالىق تٶلەگەن.
سونىمەن قاتار وسىنداي زاڭبۇزۋشىلىقتار تاعى 17 جەكە سوت ورىنداۋشىدان انىقتالعان. قازٸرگٸ ۋاقىتتا ۋەكٸلەتتٸ ورگان پروكۋرورلىق قاداعالاۋ اكتٸسٸن ورىنداۋ ماقساتىندا جسو-لاردىڭ سالىق بەرەشەگٸن ٶندٸرٸپ الۋ بويىنشا شارالار قابىلداۋدا.
