Jetisý oblysynda jańa ekonomikalyq baǵyt pen Salyq kodeksiniń negizgi erejelerin túsindirý maqsatynda biznes-qoǵamdastyq ókilderiniń, óńirlik «Atameken» kásipkerler palatasynyń, jergilikti atqarýshy organdar men memlekettik kirister aýmaqtyq bólimsheleriniń qatysýymen kezdesý ótti, dep habarlaidy Dalanews.kz.
Kezdesýge Ulttyq ekonomika vitse-ministri Asan Darbaev, Qarjy ministrligi Memlekettik kirister komitetiniń aýdit departamentiniń direktory Qadyr Ismagulov, Aýyl sharýashylyǵy ministrliginiń Agroazyq-túlik naryqtary jáne aýyl sharýashylyǵy ónimderin qaita óńdeý departamentiniń ishki saýda basqarmasynyń basshysy Temirlan Maratov qatysty. Is-sharanyń moderatory Jetisý oblysy ákiminiń orynbasary Aset Qanagatov boldy.
Óz sózinde Asan Darbaev ekonomikalyq saiasattyń negizgi baǵyttaryna jáne aldaǵy úsh jylǵa arnalǵan respýblikalyq biýdjettiń jobasyna toqtaldy.
2026 jyldan bastap kúshine enetin jańa Salyq kodeksindegi ózgerister týraly Qadyr Ismagulov baiandady. Ol jańa engizilimderdiń máni men maqsatyn túsindirip, qatysýshylardyń suraqtaryna jaýap berdi.
Kezdesý barysynda qatysýshylarǵa memlekettik organdarmen ózara is-qimyldy jalǵastyrý boiynsha túsiniktemeler men usynystar berildi. Kásipkerler ózderin tolǵandyrǵan suraqtarǵa tolyq jaýap aldy.
Is-shara qorytyndysynda qatysýshylar biznes pen memleket arasyndaǵy ashyq dialogtyń mańyzdylyǵyn atap ótip, salyq zańnamasyndaǵy ózgeristermen aldyn ala tanysý kásipkerlerdiń jańa jaǵdailarǵa beiimdelýine múmkindik beretinin atap ótti.
