Sáikesinshe, oblys kóleminde naqtylanǵan tizimge sáikes dástúrili dini aǵymdar músheleriniń statistikalyq sanyn baqylap, olarǵa psihalogiialyq kómek kórsetýmen qatar «Jýsan» arnaiy operatsiiasymen elge oralǵan azamattarmen, dini sebeppen bas bostandyǵynan aiyrylǵan jazasyn óteýshiler jáne probatsiia esebinde turǵan azamattarmen jumys júrgizýmen ainalysady.
Keshe ǵana qurylǵan mekeme nysanaly top ókilderin qamti otyryp, óńirlik jáne respýblikalyq deńgeide dini ekstremizmge qarsy is-qimylmen qatar ádistemelik praktikalyk is-sharalardy atap aitqanda, lektsiialar, seminar-treningter jáne ezge de akparattyk-túsindirý jáne profilaktikalyq sharalardy uiymdastyryp, internet keńistikte destrýktivti dini aǵym ustanýshylaryna qarsy kontrnasihat jumystaryn júrgizýde.
Búgingi kúni oblystaǵy dini ahýalǵa turaqty túrde monitoring jáne taldaý júrgizilip, sol arqyly qoǵamdaǵy túiitkildi dini sipattaǵy máselelerdi anyqtap, áleýmettik zertteýde jasalýda.
Jalpy alǵanda Jetisý oblysy aýmaǵynda dini ahýal turaqty. Memlekettiń din salasyndaǵy saiasatyn júzege asyrýda óńirde barlyq jaýapty organdar men basqarmalar jumyla qyzmet atqarýda.
Óńirde 11 konfessiiaǵa tiesili 250 dini birlestiktermen filialdary óz qyzmetin júzege asyrýda. Dini ǵimarattar sany 247-i quraidy.
Aimaqtaǵy islam meshitteriniń sany 200 bolsa, mundaǵy imam sany 203-ti quraidy.
– Jetisý ólkesinde túrli etnikalyq toptar turady. Olardyń basym bóligi Panfilov, Qaratal aýdany men Taldyqorǵan qalasynyń turǵyndary bolyp tabylady. Ózge dindi ustanatyn azamattardyń sanynyń kóptigine qaramastan aimaqta joǵaryda kórsetilgen aqparattardy nazarǵa ala otyryp, QMDB-ǵa qarasty imamdar men meshitke kelýshi jamaǵattar arasynda ultqa bólinýshilik máseleleri oryn alǵan joq, – deidi Din isteri bóliminiń basshysy Dinara Muratqyzy.
Jetisý óńirinde biylǵy jylǵa arnalǵan destrýktivti dini aǵym ustanýshylarynyń derekqoryna 400 adam kóleminde júkteldi. Qazirgi ýaqytta tiisti memlekettik organdarmen (QR UQKD) qajetti kontingentter tizimi jańartylyp jasaqtalýda.
Málimetterge súiensek, olardyń ishinde madhalitter – 239, madhalitter emes – 99, Tabligi jamaǵat jaqtastary – 60, «Jýsan» nysandary 2-eý bolyp shyqty. Ókinishke orai, bul tizimde 70-i áielder bolsa, 330-y erler qaýymy.
Jat aǵymnyń jeteginde júrgender qatarynda qazaqtarda bar. Olardyń sany 299-dy quraidy. Sonymen qatar 5 – ázirbaijan, 10 orys ultynyń ókili, úsheýi eýi tatar, 1 ózbek pen 82 uiǵyr bar.
Aǵymdaǵy jyldyn basynan 296 destrýktivti dini aǵymdar jaqtaýshylarymen jeke ońaltý jumystary júrgizilip, madhalitter – 177, madhalitter emes – 80, Tabliǵi jamaǵattan – 37, Jýsan nysandarynan eki adam qamtyldy.
Din isteri bóliminiń basshysy Dinara Muratqyzynyń aityýynsha, ázirge Jetisý oblysynda ońaltý jumystary tek tizimder boiynsha júrgiziledi, tizimnen tys núkteli jumystar júrgizilgen joq.
Aita keteý kerek, ońaltý jumystaryn jalǵastyrý maqsatynda 2020 jyly Qazaqstan musylmandary dini basqarmasy (QMDB) janynan «Dini ońaltý bólimi» qurylyp (basqarma meńgerýshisi Amanqulov Hasan Tashauly), buiryq boiynsha bul jumystarǵa Jetisý óńirinen 13 dini qyzmetker bekitilgen.
Jetisý oblysy boiynsha topqa kirgen 13 imam, onyń ishinde: Taldyqorǵan jáne Tekeli qalalyq meshitteriniń 4 imamy, Panfilov, Aqsý, Sarqan, Kerbulaq, Eskeldi, Kóksý, Qaratal aýdandarynyń meshitterinen 7, Alakól, Kerbulaq aýdandaryndaǵy aýyldyq meshitterden 2 imam kirdi. Top jetekshisi Taldyqorǵan qalasyndaǵy oblystyq «Iman» meshitiniń ustazy Jardybai Erejep bolyp bekitilgen eken.
