Jetisý oblysy qurylǵannan beri meditsinalyq-sanitarlyq alǵashqy kómek nysandarymen 81 eldi meken qamtyldy, al dáriger tapshylyǵy 20,3%-ǵa tómendedi. Biyl taǵy 72 eldi mekende jańa meditsinalyq mekemeler boi kóteredi, dep habarlaidy Dalanews.kz
Oblys qurylǵaly beri óńirde Kerbulaq aýdanynyń Saryózek aýylynda 250 orynǵa arnalǵan emhana, Kóksý aýdany Aqshatoǵan, Eńbekshiqazaq aýyldarynda, Alakól aýdany Qamysqala aýylynda, Panfilov aýdany Shejin aýylynda 4 feldsherlik-akýsherlik pýnkt, Aqsý aýdany Saǵabúien aýylynda dárigerlik ambýlatoriia, Altynaryq aýylynda medpýnkt salyndy. Sol siiaqty 58 blok-modýldi keshen ornatyldy, sonyń ishinde respýblikada tuńǵysh ret Eskeldi aýdany Qarabulaq aýylynda jáne Panfilov aýdanynyń Jarkent qalasynda blok-modýldik konstrýktsiiany qoldana otyryp turǵyzylǵan jedel jáne shuǵyl meditsinalyq kómek qosalqy stantsiiasy da bar. Osyndai nysandar biyl taǵy 4aýdanda – Qaratal aýdanynyń Úshtóbe qalasynda, Kerbulaq aýdanynyń Saryózek aýylynda, Kóksý aýdanynyń Balpyq bi aýylynda, Tekeli qalasynda boi kóteredi.
Oǵan qosa «Aýyldaǵy densaýlyq saqtaýdy jańǵyrtý» jobasy sheńberinde 15 nysannyń qurylysy aiaqtalyp, taǵy 44-iniń qurylysy jalǵasýda. Sonymen qatar Qaratal aýdany Úshtóbe qalasynda demeýshiler esebinen 50 oryndy dárigerlik ambýlatoriia boi kóterdi.
Sonymen birge úsh jyl ishinde 7 nysanǵa kúrdeli jóndeý júrgizilse, biyl taǵy 7-eýi kúrdeli jóndeýden ótkiziledi.
Qabyldanǵan osyndai sharalardyń arqasynda densaýlyq saqtaý salasynda beiimdelgen ǵimarattardyń sany 209-dan 127-ge qysqardy.
Sondai-aq biyl beiimdelgen nemese jalǵa alynǵan ǵimaratta otyrǵan 72 meditsinalyq mekeme úshin jańa nysandar salynyp, jabdyqtaý josparlanǵan. Oǵan qosa biyl Taldyqorǵanda investor kompaniianyń qarjysyna 200 oryndy zamanaýi onkologiialyq dispanserdiń qurylysy bastalady.
Oblysta meditsinalyq kadrlar jetispeýshiligi máselesin sheshýge de erekshe kóńil bólinýde. Oblys ákiminiń tapsyrmasyna sáikes respýblikada alǵashqy bolyp óńirdegi aýyldyq jerge jumysqa kelgen dárigerlerge 10 mln. teńgeden, qalalyq jerge 5 mln. teńgeden bir rettik kótermeaqy berý júiesi engizildi.
Osy maqsatqa 2024 jyly jergilikti biýdjetten 495 mln. teńge bólindi. Sonyń nátijesinde byltyr kótermeaqy 75 dárigerge tólendi, onyń 24-i aýyldyq jerde, 51-i qalalyq jerde jumys isteidi. Osyndai sharalardyń arqasynda oblysta kadr tapshylyǵynyń sany 202-den 161-ge, iaǵni 20,3%-ǵa tómendedi.
Aýyldyq jerge kelgen dárigerdiń biri - 17 jyldyq eńbek ótili bar hirýrg Nurmuhamed Baijanov. Ol Qabanbai aýylyndaǵy Alakól aýdandyq ortalyq aýrýhanasynyń bólimshesine jumysqa turǵan.
- Árine, jumys isteý ońai emes, kishigirim jaraqattardy qospaǵanda, kúnine 2-3 kúrdeli ota jasalady. Biraq, biz, dárigerler bul joldy ózimiz tańdadyq. Bizdiń basty mindetimiz – adamdarǵa kómektesý. Meniń balalar hirýrgy, travmatology, balalar ortopedi, balalar ýrology baǵytynda 4 sertifikatym bar. Sondyqtan emizýli jastaǵy nárestelerden bastap túrli operatsiialar jasai alamyn. Bizdiń bólimde laparoskop qurylǵysy bar, bul kez kelgen aýrýhanada bola bermeidi. Mundai zamanaýi meditsinalyq jabdyqty paidalaný jumysymyzdy edáýir jeńildetip, naýqastyń operatsiiadan keiingi ońaltý protsesin jedeldetedi, - deidi maman.
Jalpy oblystaǵy meditsina nysandarynyń bazasynda kardiohirýrgiia, onkologiia boiynsha kúrdeli operatsiialar jasalýda.
Máselen, oblystyq kardiologiialyq ortalyqta búgingi kúni joǵary tehnologiialy meditsinalyq kómektiń 20 túri kórsetiledi. Ótken jyly munda 380 ota jasalsa, biyl taǵy 450-den astam ota jasalady dep kútilýde. Atap óterligi, klinikada jasandy intellektisi bar júrek resinhrondaý terapiiasy qoldanylady. Sol siiaqty biylǵy jyldan bastap kardiohirýrgiialyq otalar balalarǵa da jasala bastady.
Bul rette Taldyqorǵandaǵy oblystyq perinataldyq ortalyqta 2023 jyly ashylǵan «Qamqorlyq» erte aralasý ońaltý ortalyǵyn da atap ótýde bolady. Bul innovatsiialyq ortalyqta neiro-ortopediialyq aýrýlary bar, onyń ishinde tserebraldy sal aýrýy bar balalardy ońaltýdyń álemdik úzdik ádistemeleri men zamanaýi tásilderi engizilgen. Nysan 2023-2024 jyldary 215 balaǵa ońaltý sharalaryn júrgizse, biyl jyl basynan beri 51 balany qabyldady.
Materialdyq-tehnikalyq bazanyń jaiyna kelsek, úsh jyl ishinde meditsinalyq mekemelerdi qajetti qural-jabdyqpen qamtý deńgeii 93% jetti. 2022-2024 jyldary 133 jedel járdem kóligi satyp alynsa, sonyń kópshiligi aýyldyq jerlerge jiberildi, biyl taǵy 29 sanitarlyq kólik alynady dep josparlanǵan.
