Jyl sońyna deıin taǵy 8 eldi meken kógildir otynǵa qosylady. Bul jaıyndaǵy málimetti búgin Astana qalasynda ótken brıfıń barysynda Jetisý oblysynyń ákimi Beıbit Isabaev jetkizdi, - dep habarlaıdy Jetisý oblysy ákiminiń baspasóz qyzmeti.
- 2025 jylǵa qaraı Kerbulaq aýdanynan Taldyqorǵanǵa deıingi barlyq eldi mekender gazdandyrylady. Sonyń nátıjesinde 500 myńnan astam turǵyn nemese jalpy halyqtyń 72% gazǵa qol jetkizedi. Aqsý, Sarqan, Alakól aýdandaryn gazdandyrý úshin «Taldyqorǵan – Úsharal» magıstraldy gaz qubyry qurylysynyń JSQ-sy ázirlendi. 2028 jylǵa qaraı 124 myńǵa jýyq turǵyny bar taǵy 66 eldi mekendi gazdandyramyz, - dedi jýrnalıserge óńirdi gazdandyrý týraly baıandaǵan oblys ákimi.
Onyń aıtýynsha, jyl sońyna deıin 199,5 shaqyrym oblystyq mańyzy bar joldar jáne 80 eldi mekenniń ishki kóshe joldary jóndeledi dep josparlanǵan.
Sonyń nátıjesinde jaqsy jáne qanaǵattanarlyq jaǵdaıdaǵy avtojoldardyń úlesi 93 paıyzǵa jetedi.
Al ortalyqtandyrylǵan sýmen 358 eldi mekenniń 323-i qamtylǵan.
Jyl sońyna qaraı 2 aýyl ortalyq sý júıesine qosylyp, taǵy 15 eldi mekeninde aýyz sýdyń sapasy jaqsarady.
Jetisý oblysy ákiminiń baspasóz qyzmeti.
