Jetisý oblysy ákimniń aitýynsha, qazir oblys turǵyndarynyń sany 700 myń adamǵa jetken, jer kólemi – 118 myń sharshy shaqyrymdy quraidy.
– Almaty oblysynyń quramynan bólingende óńirimizde ekonomikanyń qurylymyna, biýdjet kirisiniń az bóligi qalýyna, taǵy basqa obektivti faktorlarǵa bailanysty birqatar kórsetkishter tómendegen edi.
Degenmen 2022 jyldyń qorytyndysy boiynsha oblysta barlyq negizgi nysanaly indikatorlarǵa qol jetkizilip, oblys aimaqtar arasynda tórtinshi kórsetkish kórsetti, – dep atap ótti Beibit Isabaev.
Aitqandai oblysta biylǵy jyldyń 5 aiynda oń dinamika arta túsken. Aitaly, saýda 1,8 esege, respýblikalyq biýdjettiń túsimderi – 2,8 esege, qurylys kólemi – 31,3%-ǵa, ónerkásip óndirisi – 14,1%-ǵa ósti. Jalpy óńirlik ónimdegi shaǵyn jáne orta biznestiń úlesi 39,3%-ǵa jetti (QR – 36,5%). Biyl oblys biýdjeti 486 mlrd teńgege jetip, 16 paiyzǵa ósken.
