جەتىسۋ وبلىسى اكىمنىڭ ايتۋىنشا، ءقازىر وبلىس تۇرعىندارىنىڭ سانى 700 مىڭ ادامعا جەتكەن، جەر كولەمى – 118 مىڭ شارشى شاقىرىمدى قۇرايدى.
– الماتى وبلىسىنىڭ قۇرامىنان بولىنگەندە وڭىرىمىزدە ەكونوميكانىڭ قۇرىلىمىنا، بيۋدجەت كىرىسىنىڭ از بولىگى قالۋىنا، تاعى باسقا وبەكتيۆتى فاكتورلارعا بايلانىستى ءبىرقاتار كورسەتكىشتەر تومەندەگەن ەدى.
دەگەنمەن 2022 جىلدىڭ قورىتىندىسى بويىنشا وبلىستا بارلىق نەگىزگى نىسانالى ينديكاتورلارعا قول جەتكىزىلىپ، وبلىس ايماقتار اراسىندا ءتورتىنشى كورسەتكىش كورسەتتى، – دەپ اتاپ ءوتتى بەيبىت يسابايەۆ.
ايتقانداي وبلىستا بيىلعى جىلدىڭ 5 ايىندا وڭ ديناميكا ارتا تۇسكەن. ايتالى، ساۋدا 1،8 ەسەگە، رەسپۋبليكالىق بيۋدجەتتىڭ تۇسىمدەرى – 2،8 ەسەگە، قۇرىلىس كولەمى – 31،3%-عا، ونەركاسىپ ءوندىرىسى – 14،1%-عا ءوستى. جالپى وڭىرلىك ونىمدەگى شاعىن جانە ورتا بيزنەستىڭ ۇلەسى 39،3%-عا جەتتى (ق ر – 36،5%). بيىل وبلىس بيۋدجەتى 486 ملرد تەڭگەگە جەتىپ، 16 پايىزعا وسكەن.
