Jetisý jastarynyń lebizi
BIZGE ÚLKEN SERPIN BERDI
Astana tórindeótken «Táýelsizdik urpaqtary» atty Jastar jylynyń resmi ashylý saltanatyn I. Jansúgirov atyndaǵy Jetisý memlekettik ýniversitetiniń oqytýshylary men bilimgerleri tikelei efir arqyly tamashaladyq. Alǵashqy kezekte el kóleminde tanymal, bilimdi, isker, óz kásibin júrgizip otyrǵan jastardyń jigerli sózderin estip, olardyń jas ta bolsa atqaryp jatqan úlken isterimen tanysyp, qanattana tústik.
Al Elbasynyń sózi boiymyzǵa jiger berip, patriottyq sezimimizdi ushtady. Bizdiń Qazaqstannyń bolashaǵyn qalaityn azamattar ekendigimizdi taǵy bir márte tereń sezinýimizge múmkindik ashty. Elbasy biylǵy jyldy – Jastar jyly dep jariialaýy teginnen-tegin emes. Bul bizge berilgen úlken múmkindik. Biz táýelsiz eldiń urpaǵy Elbasynyń saliqaly saiasatyn júzege asyrý arqyly jastardyń qolynan ne keletinin dúniejúzine tanytýymyz kerek. Olardyń qolynan qandai is keletinin sózben emes, ispen dáleldeýimiz qajet. Osy oraida, biylǵy Jastar jylynda men birneshe joba qurastyrdym. Ol óz mamandyǵym boiynsha jáne odan tys bastamalar. Sonyń biri – Almaty oblysynda jastardyń arasynda debat klýbyn uiymdastyrý, ekinshisi ekotýrizmdi qalyptastyrý.
Elbasy búgingi jastarǵa qarata aitqan sózinde de elimizdiń kórikti jerleriniń bárin aralaǵanyn, ásirese Almaty oblysynda maqtan tutarlyq jerimizdiń kóp ekendigin atap ótti. Bizde Sharyn shatqaly, Altyn emel syndy ózgelerge maqtanyshpen kórsetetin tabiǵi bailyǵymyz jeterlik. Sony qoljetimdi etip týrizmdi damyta bilsek, elimizdiń abyroiy budan beter arta túsedi dep oilaimyn.
Sondai-aq, Elbasy «Aqyl jastan, asyl tastan» dei kele jastardy sapaly bilim alyp, ǵylymdy damytýǵa, órkeniet kóshinen qalmai ýaqyt talabyna sai adymdaýǵa shaqyrdy. Jas ǵalymdardy qoldaý maqsatynda bólinetin grant kólemin eki ese arttyrýdy tapsyrdy. Bul bizge úlken serpin berdi.
Didar Jumahan, I.Jansúgirov atyndaǵy Jetisý memlekettik ýniversiteti quqyqjáne ekonomika fakýltetiniń 2-kýrs stýdenti
EŃBEK MEREI ÓSIREDI
Elorda tórinde Elbasy Nursultan Nazarbaevtyń qatysýymen ótken Jastar jylynyń ashylý saltanatyn teledidardan tamashalap, úlken áser aldym. Jastardy árdaiym qoldaityn Memleket basshysynyń sózi, tikelei efirde ataýly jyldyń tusaýy kesilýi meni erekshe tebirentti.
Myńdaǵan shaqyrymdaǵy alys aýylda bolsam da ózimdi sol sátte osy jiynda otyrǵandai sezindim. Elimizdiń eń belsendi, eń tabysty jastarynyń basqosýynda shyǵyp sóilegen qurby-qurdastaryma riza boldym. Sózderinen olardyń bilimdiligi, oiynyń júiriktigi sezilip turdy. Oi-pikirlerimen búkpesiz bólisip, batyl usynystaryn bildirýi ózim siiaqty aýyldyq jerde turatyn talai jasqa oi salady dep oilaimyn.
Meni atyraýlyq Tamilia Rozmetovanyń tirligi qatty qyzyqtyrdy. Óitkeni men alystaǵy aýylda mal sharýashylyǵymen ainalysyp, qoi ósiremin. Onyń asyl tuqymdy eshkiósirip, odan alynǵan ónimdi óndiristik jolǵa qoia bilýi meni tańǵaldyrdy ári qyzyqtyrdy. Ata kásiptiń shynaiy janashyry retinde tanystyrylǵan ol eshki sútin óńdeitin kásiporynnyń jumysyn júrgizip, sútten 15 túrli ónim óndiredi eken. Ujymynda negizinen ózi siiaqty jastar eńbek etedi. «Jer meni ósirdi, jermen kórkeidim» degen sózinen qasietti qara jerge degen mahabbattyń lebi esedi. Aianbai jumys istesek, jannatty óz qolymyzben ornatamyz dep batyl usynys aitqanyna tánti boldym.
Ata dástúrdi jalǵastyrýshy búrkitshiqyz Aisholpan Nurǵaliqyzynyń, elimizdiń soltústik óńirindegi Aqsýzaýytynyń metall qorytýshysy Aleksandr Shýtovtyń sózderi de kóńilimnen shyqty.
Elaman QUMARBEK, shopan, Almaty oblysy, Jambyl aýdany, Mátibulaqaýyly.
OZYQ ÓRKENIET JOLYNDA JASTARDYŃ KÓTERER JÚGI SALMAQTY
San salada óziniń talantymen tanylǵan jalyndy jastardyń Elbasynyń qatysýymen ótken forýmda kótergen máseleleri, usynystary men aqedil nietteri erekshe áserge bóledi. Búgingi jahandaný dáýiri jastardyń boiyna úlken jaýapkershilik júkteidi.
Sondyqtan da árbir Qazaqstan azamaty óziniń jalyndy shaǵynda el úshin igilikti is tyndyryp, Otannyń gúldenýi, óz kásibiniń jandanýy jolynda tynbai eńbektenýi tiis. Bul oraida forým barysynda sóz alǵan árbir jastyń boiynan biz atap ótken dúnielerdi kórip, olardyń rýhtys ózderinen qýat alyp, bolashaq jolynda aianbai eńbeketenýge beldi bekem býǵanyn ańǵardyq.
Kóńildi kókjiekpen astastyrǵandai kúige bólegen jastardyń qatarynda «Daryn» memlekettik jastar syilyǵynyń iegeri Merei Qarttyń lebizi ádebietke qoldaý kerektigin ańǵartty. Ol qasietti qalamnyń qýatymen tarih qatparynda jasyrynyp qalǵan uly oqiǵalardy qaita tiriltip júrgen barsha jazarman qaýymnyń atynan niet bildirip, álemge qazaq jazýshylaryn tanytý jolynda jasqalamgerlerdiń akademiiasyn ashý týraly óz usynysyn bildirdi. Sóz sońynda rýhjanityn jyr joldaryn pash etti. Ádebietpen jany egiz halyqtyń ókili retinde jalyndaǵan jastardyń qazaq tarihy men ótkenin tiriltýge zor úles qosaryn asenimdimiz. Sonymen qatar, san salada tolaiym tabysqa jetken jastardyń erteńgi kúni el kóshin órge súirer bir-birqairatkerge ainalaryna da shek keltirmedik.
Forým barysynda kóterilgen árbir másele men usynystar el igiligi úshin. Sondyqtan da ǵylym men bilim, ekonomika men san salanyń damyp, elimizdiń ozyq órkenietti memleketterdiń qataryna qosylýy úshin jastardyń atqarýǵa tiis jumystary jeterlik. Bul turǵyda Elbasy: «Árkim óz mamandyǵy boiynsha eńbeketip, sonyń túbine jetip, elge jemisin kórsetýi kerek. Ártúrli baǵytqa bir bara berýdiń qajetijoq. Óziń qalaǵan salanyń sańlaǵy bolýyńdy ǵana myǵym maqsat etýge tyrys», – degen sarynda aitqan parasatty paiymy erekshe áser etti. Sondyqtan da barsha jalyndy jandar úshin biylǵy jyl berekeli, tabysty bolatynyna senimimiz kámil!
Jandos BAÝYRJANULY, Almaty oblystyq jastar resýrstyq ortalyǵynyń direktory.
