Buǵan deiin ambýlatoriia 1964 jyly salynǵan kishkentai ǵimaratta bolǵan. Qazirgi jańa ǵimarat eki qabatty, aýmaǵy 1000 sharshy metr, turǵyndarǵa sapaly meditsinalyq kómek kórsetýge barlyq jaǵdai jasalǵan. Jańa ambýlatoriiada ÝZI, EKG bar, sol siiaqty stomatolog maman da osynda. Buryn bul qyzmetter úshin erkindikterge
Taldyqorǵanǵa barýǵa týra keletin. Munda jalpy tájiribedegi dárigerlerge, akýsher-ginekologqa, stomatologqa, psihologqa arnalǵan kabinetter, balalardy damytýǵa arnap jabdyqtalǵan bólme, skrining ótetin kabinet, ÝZI zertteýi, 2 egý bólmesi men 2 protsedýralyq bólme, massaj jáne fiziokabinetter, sol siiaqty májilis zaly qarastyrylǵan. Sondai-aq «taza» jáne «las» aimaqqa bólingen filtr bar. Egý pýnktinde árbir niet bildirýshi koronavirýs infektsiiasyna qarsy vaktsina saldyra alady. Ambýlatoriiada Erkin jáne Kóktal aýyldaryn qosqanda barlyǵy 18 myń adamǵa meditsinalyq qyzmet kórsetiledi. Shtatta 42 meditsina mamany jumys isteidi.
Jańa ambýlatoriiaǵa arnaiy barǵan Amandyq Batalov qurylys sapasy men nysannyń materialdyq-tehnikalyq jabdyqtalýyna oń baǵa berdi. Sol siiaqty ol jýyrda ambýlatoriiaǵa jańa jedel járdem mashinasy beriletinin de aitty.
– Erkin aýylynyń turǵyndary ótken jylǵy esepti kezdesýde aýylǵa jańa ambýlatoiia kerek degen másele kótergen edi. Soǵan bailanysty tiisti basqarmaǵa tapsyrma berdim, sóitip, bir jyl ishinde jergilikti biýdjet esebinen jańa ambýlatoriia salyndy. Qazir halyqqa qyzmet kórsetýge daiyn. Nysan sapaly salynǵan, zaman talabyna sai quraldarmen jabdyqtalǵan. Elbasy men Prezidenttiń alǵa qoiǵan basty mindetteriniń biri – halyqtyń densaýlyǵyn nyǵaitýǵa jańa nysan qyzmet ete bersin, – dedi A.Batalov.
Jergilikti turǵyn, eńbek ardageri, mediator Sholpan Musanova áserin bólisip, tilegin bildirdi:
– Ótken jyly jańa zamanaýi ambýlatoriia salyp beremiz dep ýáde berip edi, biyl, mine, qoldanysqa berip otyr. «Aitty, jasady», - deýshi edi ǵoi. Sóz ben istiń bir jerden shyqqanyna qýanyshtymyz. El basshylaryna, oblys basshylyǵyna halyqtyń densaýlyǵyna qamqorlyq jasaǵany úshin raqmet aitamyn. Endi qalaǵa sabylyp júrmei-aq, kerekti meditsinalyq qyzmetti óz aýylymyzda da ala alamyz, – dedi ol.
Atap ótsek, meditsinalyq qyzmettiń qol jetimdiligin arttyrý maqsatynda biylǵy jyly Jambyl jáne Qarasai aýdandarynda «Jumyspen qamtý jol kartasy» baǵdarlamasy aiasynda 2 dárigerlik ambýlatoriia, sol siiaqty oblystyń ár túkpirinde blokty-modýldi konstrýktsiiadan 20 medpýnkt salynady. Oblysta ótken jyly barlyǵy 14 densaýlyq saqtaý nysany turǵyzyldy, sonyń 8-i – dárigerlik ambýlatoriia, 1-eýi – meditsinalyq pýnkt.
