Buǵan deiin de mekteptiń túrli qaiyrymdylyq sharalarynda qolushyn sozyp kele jatqan Ýtanovtar áýleti «Nur Otan» partiiasynyń tóraǵasy, Elbasy N.Á.Nazarbaevtyń «Rýhani jańǵyrý» baǵdarlamasynyń «Týǵan jer» jobasyn júzege asyrý maqsatynda 4 ai buryn osy nysannyń qurylysyn bastaǵan.
Shaǵyn fýtbol, voleibol jáne basketbol oinaýǵa bolatyn nysannyń ashylý saltanatyna Jetisai aýdanynyń ákimi Murat Bolatuly, «Nur Otan» partiiasy Jetisai aýdandyq filialy tóraǵasynyń birinshi orynbasary Ádilhan Asaýov, Jetisai aýdanynyń Adami áleýetti damytý bóliminiń basshysy Tursyn Myrzaliev, aýdandyq máslihat depýtattary men sport ardagerleri qatysty. Quttyqtaý sóz sóilep, nysannyń ashylýyna atsalysqan azamattardy aýdan ákimi men «Nur Otan» partiiasynyń alǵys hattarymen marapattady.
– Komandalyq oiyn túrlerin jaqsy kóretin aýyl jastary, mektep oqýshylary úshin bul tamasha syilyq boldy. Endi sportpen shynyǵamyn, shyńdalamyn degen jastarǵa alańshanyń esigi árdaiym ashyq bolmaq. Biz de óz tarapymyzdan mektepterde túrli sporttyq úiirmelerdiń sanyn kóbeitip, sapasyn arttyratyn bolamyz. Mektepke osyndai syi jasap otyrǵan Ýtanovtar áýletine úlken rahmetimizdi aitamyz, – deidi Jetisai aýdanynyń Adami áleýetti damytý bóliminiń basshysy Tursyn Myrzaliev.
Saltanatty ashylý rásiminen keiin el Táýelsizdiginiń 30 jyldyǵy aiasynda «Ońtústik Qazaqstan oblysynyń Qurmetti Azamaty», «QR Qurmetti Sport Qairatkeri» Aidarhan Ótenulyn eske alýǵa arnalǵan fýtboldan týrnir ótti. Ereksekter men jastar arasynda ózara myqtylar anyqtalatyn týrnir jeńimpazdary uiymdastyrýshylardyń qarjylai syilyqtarymen, arnaiy kýboktarymen marapattalatyn bolady.
