Jetisaida sý kanaldary jóndelip, sý tapshylyǵy joiyldy
Qazaqstan Respýblikasy Premer-Ministriniń orynbasary – Aýylsharýashylyǵy ministri Ó.Shókeevtiń tapsyrmasyna sáikes mashinalyq ádispen sý jetkizetin kanalynyń jaramsyz bolyp bara jatqan bóligin qalpyna keltirý jumystaryn júrgiziletin bolady. Aldaǵy ýaqytta bul kanaldy jóndeý jumystary bastalyp, kelesi jyldyń sońyna deiin aiaqtaý josparlanyp otyr.
– Aýdanymyzda 2012-2014 jyldary aýdanda birneshe kanaldardyń (K-30, K-28, K-26) kanaldarynyń jóndeý jumystary bastalyp, keiin toqtap qalǵan. Biylǵy jyly bul jumystar qaita bastalyp, K-28 kanalyndaǵy josparlanǵan jóndeý jumystary aiaqtalǵan bolsa, K-30 jáne K-26 kanalyn jóndeý jumystary jalǵastyrylýda. Oǵan qosa K-26 kanalynyń tarmaqtaryn da jóndeý jumystaryn júrgizý josparlanýda, qazirgi tańda jobalaý jumystary júrgizilýde. Odan bólek 2018 jyly K-21, K-21-9, K-25, K-25-9 (46 shq) kanaldary mehanikalyq tazalaýdan ótkizildi, – dedi aýdan ákimi.
Respýblikalyq biýdjet esebinen jalpy uzyndyǵy 221,2 shaqyrymdy quraityn 50 kanal mehanikalyq tazalaýdan jáne uzyndyǵy 109,1 shaqyrym quraityn 7 sharýashylyqaralyq qashyrtqyny jóndeýden ótkizý úshin tiisti qujattary daiyndalyp usynyldy, 2019 jyly bul jumystar júrgiziledi dep josparlanyp otyr.
Aýdanymyzda IDJJ-3 (PÝID-3) jobasy aiasynda 45,7 myńnan astam jerdiń meliorativtik jaǵdaiyn jaqsartý josparanyp otyr. Qazirgi tańda bul jobanyń tehnikalyq-ekonomikalyq negizdemesi daiyndalýda.
Aýdan amaǵyndaǵy 392 tik drenajdy uńǵyma bolsa, onyń 171-i ǵana jumysqa jaramdy. Islam damý bankisiniń qarjysy esebinen Maqtaly, Yntymaq, Abai, Eraliev, Dildábekov jáne Qyzylqum aýyldyq okrýgterindegi 210 tik drenajdy uńǵymalardy qalpyna keltirý jumystaryn júrgizý josparlanyp otyr. Qazirgi tańda qurylysty júrgizetin merdiger mekemeni anyqtaý jumystary júrgizilýde, 2019 jyly bastalady dep josparlanyp otyr.
