Biylǵy jyzda júzim sharýashylyǵy órkendedi. Atap aitsaq, Jetisai aýdany Abai aýylyndaǵy «Maharam» sharýa qojalyǵynda 42 gektar jerge júzim egilse, sonyń 26 gektary ónim bergen. Al, qalǵan 16 gektardaǵy egilgen júzim kósheti aldaǵy eki jylda jemisin bermek.
Jalpy júzim sharýashylyǵy 50 jylǵa jýyq ónim beredi eken. Qojalyq basshysy Maharam Niftalievtiń aityp ótkenindei, júzim baqtaryna jumsalǵan shyǵyn aldaǵy 5-6 jylda tolyǵymen aqtalýy tiis.
Sharýashylyq júzimdiktiń ár gektarynan 25 tsentnerge deiin ónim alypty. Jalpy, júzimniń 4000-ǵa jýyq túri bar desek, negizinen munda alysqa shydamdy «Taify» sorty egilgen eken. Júzimniń bul sorty qazirgi tańda Reseige jóneltilýde. Onyń bir kelisi – 120 teńgeden saýdalanýda.
Maýsymdyq jumysqa tartylǵan otyz shaqty aýyl turǵyny alqapqa arnaiy kólikpen ákelinedi, túski aspen de qamtylǵan. Eki qolǵa bir kúrek tapqan aýyl turǵyndary da dán riza, – dep jazady Ońtústik Qazaqstan basylymy.
Aýdan ákimdigi mamandarynyń málimdeýinshe, búginde Abai aýyl okrýgindegi júzimdik alqaptyń kólemi 280 gektarǵa jetken. Aýdan boiynsha mundai kólemdi alqap eshbir okrýgte joq.
Abaidaǵy júzim jinaý naýqany da taiaý kúnderi aiaqtalyp, diqandar ala jazdai etken eńbeginiń jemisin kóretin kúnder de taiap qaldy.
Jalpy, sońǵy 3 jylda Túrkistan oblysy boiynsha jemis-jidek pen júzimniń egis kólemi 1,8 myń gektarǵa artyp, 30 myń gektarǵa jetken. Onyń ishinde jemis – 19,5 myń gektar, júzim 10,5 myń gektardy quraidy. Aǵymdaǵy jyly 85 myń tonna jemis-jidek jáne 70 myń tonna júzim jinaý josparlanyp otyr. Bul – respýblikada óndirilgen júzimniń 72,5 paiyzy Túrkistan oblysynyń enshisinde degen sóz.
