بيىلعى جىزدا جٷزٸم شارۋاشىلىعى ٶركەندەدٸ. اتاپ ايتساق, جەتٸساي اۋدانى اباي اۋىلىنداعى «ماحارام» شارۋا قوجالىعىندا 42 گەكتار جەرگە جٷزٸم ەگٸلسە, سونىڭ 26 گەكتارى ٶنٸم بەرگەن. ال, قالعان 16 گەكتارداعى ەگٸلگەن جٷزٸم كٶشەتٸ الداعى ەكٸ جىلدا جەمٸسٸن بەرمەك.
جالپى جٷزٸم شارۋاشىلىعى 50 جىلعا جۋىق ٶنٸم بەرەدٸ ەكەن. قوجالىق باسشىسى ماحارام نيفتاليەۆتٸڭ ايتىپ ٶتكەنٸندەي, جٷزٸم باقتارىنا جۇمسالعان شىعىن الداعى 5-6 جىلدا تولىعىمەن اقتالۋى تيٸس.
شارۋاشىلىق جٷزٸمدٸكتٸڭ ەر گەكتارىنان 25 تسەنتنەرگە دەيٸن ٶنٸم الىپتى. جالپى, جٷزٸمنٸڭ 4000-عا جۋىق تٷرٸ بار دەسەك, نەگٸزٸنەن مۇندا الىسقا شىدامدى «تايفى» سورتى ەگٸلگەن ەكەن. جٷزٸمنٸڭ بۇل سورتى قازٸرگٸ تاڭدا رەسەيگە جٶنەلتٸلۋدە. ونىڭ بٸر كەلٸسٸ – 120 تەڭگەدەن ساۋدالانۋدا.
ماۋسىمدىق جۇمىسقا تارتىلعان وتىز شاقتى اۋىل تۇرعىنى القاپقا ارنايى كٶلٸكپەن ەكەلٸنەدٸ, تٷسكٸ اسپەن دە قامتىلعان. ەكٸ قولعا بٸر كٷرەك تاپقان اۋىل تۇرعىندارى دا دەن ريزا, – دەپ جازادى وڭتٷستٸك قازاقستان باسىلىمى.
اۋدان ەكٸمدٸگٸ ماماندارىنىڭ مەلٸمدەۋٸنشە, بٷگٸندە اباي اۋىل وكرۋگٸندەگٸ جٷزٸمدٸك القاپتىڭ كٶلەمٸ 280 گەكتارعا جەتكەن. اۋدان بويىنشا مۇنداي كٶلەمدٸ القاپ ەشبٸر وكرۋگتە جوق.
ابايداعى جٷزٸم جيناۋ ناۋقانى دا تاياۋ كٷندەرٸ اياقتالىپ, ديقاندار الا جازداي ەتكەن ەڭبەگٸنٸڭ جەمٸسٸن كٶرەتٸن كٷندەر دە تاياپ قالدى.
جالپى, سوڭعى 3 جىلدا تٷركٸستان وبلىسى بويىنشا جەمٸس-جيدەك پەن جٷزٸمنٸڭ ەگٸس كٶلەمٸ 1,8 مىڭ گەكتارعا ارتىپ, 30 مىڭ گەكتارعا جەتكەن. ونىڭ ٸشٸندە جەمٸس – 19,5 مىڭ گەكتار, جٷزٸم 10,5 مىڭ گەكتاردى قۇرايدى. اعىمداعى جىلى 85 مىڭ توننا جەمٸس-جيدەك جەنە 70 مىڭ توننا جٷزٸم جيناۋ جوسپارلانىپ وتىر. بۇل – رەسپۋبليكادا ٶندٸرٸلگەن جٷزٸمنٸڭ 72,5 پايىزى تٷركٸستان وبلىسىنىڭ ەنشٸسٸندە دەگەن سٶز.
