Jetisaıda bilim bóliminiń býhgalterleri 3 mlrd teńgege jýyq qarjy "jep qoıǵan"

Saǵynysh Sardarova 06 maý. 2024 10:51 2016

Túrkistan oblysynyń prokýratýrasy 2,8 mıllıard teńge búdjet qarajaty jymqyrylǵanyn anyqtady, - dep habarlaıdy Dalanews.kz.

Túrkistan oblysynyń prokýratýrasy bilim berý mekemelerin tekserý barysynda zań talaptaryn buzý jáne búdjet qarajatyn jymqyrý derekterin anyqtady.

Jetisaı aýdanynyń prokýrorlary aýdandyq bilim bóliminiń býhgalterleri 2,8 mıllıard teńge búdjet qarajatyn jymqyrǵanyn anyqtady.

Osy derek boıynsha qujattar QR Qylmystyq kodeksiniń 189-babymen tirkeldi (senip tapsyrylǵan bóten múlikti ıemdený nemese ysyrap etý), Túrkistan oblysy prokýratýrasynyń arnaıy prokýrorlary tergeý júrgizip jatyr.

Búgingi kúnge deıin prokýratýranyń qabyldaǵan sharalary nátıjesinde memleket búdjetine 309 mıllıon teńge qaıtaryldy.

Tekserýler jalǵasyp jatyr.


Usynylǵan
Sońǵy jańalyqtar