Qazaqstannyń jeti qalasynda ekologiialyq saýattylyqty arttyrýǵa baǵyttalǵan aýqymdy joba bastaldy, dep habarlaidy Dala News.
Atyraý, Taldyqorǵan, Qaraǵandy, Oral, Qonaev, Túrkistan jáne Taraz qalalarynda ótip jatqan bastama «Taza Qazaqstan» aktsiiasy aiasynda júzege asyrylýda. Jobany Ekologiia jáne tabiǵi resýrstar ministrligi qoldap, «Jasyl Damý» AQ men «Qazaqstan ekologiialyq qory» úilestirýde.
Joba aiasynda turǵyndarǵa, ásirese oqýshylar men jastarǵa arnalǵan ekologiialyq bilim berý dáristeri uiymdastyrylǵan. Baǵdarlama bes modýlden turyp, turmystyq qaldyqtardy durys basqarý mádenietin qalyptastyrýǵa baǵyttalǵan.
Máselen, alǵashqy modýlde qaldyqtardy qurǵaq jáne ylǵaldy túrde bólek jinaý túsindirilse, kelesi bólimderde qoqysty suryptaý, qaita óńdeý tásilderi jáne qaptamalardyń ekologiiaǵa áseri qarastyrylady. Sondai-aq 3R qaǵidaty — azaitý, qaita paidalaný jáne qaita óńdeý printsipteri úiretiledi.
Joba sheńberinde qalalardaǵy mektepterdiń keminde 10%-y qamtylyp, muǵalimderdiń de 10%-y arnaiy oqytýdan ótedi dep josparlanǵan. Bul ekologiialyq bilimdi júieli túrde taratýǵa múmkindik beredi.
Sonymen qatar qatysýshylar EcoQolday tsifrlyq platformasymen tanysyp, qaldyqtardy tapsyrý men baqylaý tetikterin úirenedi.
Dáristerdi professorlar, ǵylym kandidattary jáne tájiribeli mamandar júrgizýde. Joba tek teoriiamen shektelmei, turǵyndardyń kúndelikti ómirde ekologiialyq daǵdylardy qoldanýyna baǵyttalǵan.
Mamandardyń aitýynsha, mundai bastamalar eldegi ekologiialyq mádenietti qalyptastyrýǵa jáne tabiǵatqa jaýapkershilikpen qaraýdy arttyrýǵa yqpal etedi.
