«Jeti adamnyń ómirin jalmady». Pavlodarda sapasyz araq ishkender ajal qushty

Dalanews 31 mam. 2022 03:00 500

Pavlodarda jeti adamnyń ómirin jalmaǵan belgisiz suıyqtyq qoldan jasalǵan spırttik ishimdik bolýy múmkin. Marqumdardy ajaldan arashalap qalýǵa baryn salǵan dárigerler osylaı dep boljam jasap otyr. Ertis aýylynda bolǵan oqys oqıǵanyń jaı-japsary jiti tekserilip jatyr, – dep habarlaıdy KTK arnasy

Qaıǵyly jaǵdaı 27-sáýirde kúni bolǵan. Polıseılerdiń málimetinshe, bir úıden úsh adamnyń óli denesi tabylǵan. Onyń bireýi 67 jastaǵy úıdiń ıesi bolsa, ekinshisi 32-degi balasy. Al úshinshisi – zeınetker.

Sol kúni taǵy tórt adam aýyr hálde aýrýhanaǵa túsken. Olardyń tórteýi de emdeý mekemesinde jatyp kóz jumdy.


Qaza tapqandardyń denesinde zorlyq-zombylyq belgileri bolmaǵan. Biraq olardyń belgisiz suıyqtyq ishkeni anyqtalypty. Sodan keıin báriniń ish qurylysy istemeı, shetinen kóz jumǵan.

– Aýrýhanaǵa jetkizilgen azamattardyń spırttik ishimdik ishkeni birden baıqalyp turdy. Ashshy sýdan ýlanǵan ba dep kúdiktenip, dıagnozǵa sákes emdom jasalǵan. Biraq naýqastardyń ómirin saqtap qala almadyq, – deıdi Pavlodar oblysy densaýlyq saqtaý basqarmasynyń basshysy Aıdar Seıtqazınov.

Usynylǵan
Sońǵy jańalyqtar