Qaiǵyly jaǵdai 27-sáýirde kúni bolǵan. Politseilerdiń málimetinshe, bir úiden úsh adamnyń óli denesi tabylǵan. Onyń bireýi 67 jastaǵy úidiń iesi bolsa, ekinshisi 32-degi balasy. Al úshinshisi – zeinetker.
Sol kúni taǵy tórt adam aýyr hálde aýrýhanaǵa túsken. Olardyń tórteýi de emdeý mekemesinde jatyp kóz jumdy.
Qaza tapqandardyń denesinde zorlyq-zombylyq belgileri bolmaǵan. Biraq olardyń belgisiz suiyqtyq ishkeni anyqtalypty. Sodan keiin báriniń ish qurylysy istemei, shetinen kóz jumǵan.
– Aýrýhanaǵa jetkizilgen azamattardyń spirttik ishimdik ishkeni birden baiqalyp turdy. Ashy sýdan ýlanǵan ba dep kúdiktenip, diagnozǵa sákes emdom jasalǵan. Biraq naýqastardyń ómirin saqtap qala almadyq, – deidi Pavlodar oblysy densaýlyq saqtaý basqarmasynyń basshysy Aidar Seitqazinov.
