قايعىلى جاعداي 27-ساۋىردە كۇنى بولعان. پوليسەيلەردىڭ مالىمەتىنشە، ءبىر ۇيدەن ءۇش ادامنىڭ ءولى دەنەسى تابىلعان. ونىڭ بىرەۋى 67 جاستاعى ءۇيدىڭ يەسى بولسا، ەكىنشىسى 32-دەگى بالاسى. ال ءۇشىنشىسى – زەينەتكەر.
سول كۇنى تاعى ءتورت ادام اۋىر حالدە اۋرۋحاناعا تۇسكەن. ولاردىڭ تورتەۋى دە ەمدەۋ مەكەمەسىندە جاتىپ كوز جۇمدى.
قازا تاپقانداردىڭ دەنەسىندە زورلىق-زومبىلىق بەلگىلەرى بولماعان. ءبىراق ولاردىڭ بەلگىسىز سۇيىقتىق ىشكەنى انىقتالىپتى. سودان كەيىن ءبارىنىڭ ءىش قۇرىلىسى ىستەمەي، شەتىنەن كوز جۇمعان.
– اۋرۋحاناعا جەتكىزىلگەن ازاماتتاردىڭ سپيرتتىك ىشىمدىك ىشكەنى بىردەن بايقالىپ تۇردى. اششى سۋدان ۋلانعان با دەپ كۇدىكتەنىپ، دياگنوزعا ساكەس ەمدوم جاسالعان. ءبىراق ناۋقاستاردىڭ ءومىرىن ساقتاپ قالا المادىق، – دەيدى پاۆلودار وبلىسى دەنساۋلىق ساقتاۋ باسقارماسىنىڭ باسشىسى ايدار سەيتقازينوۆ.
