21 naýryzǵa qaraǵan túni Jerde kúshti magnıttik daýyl bastaldy. Bul qubylys kúnnen shyqqan plazmalyq bulttyń Jerge jetýinen týyndady, dep habarlaıdy Dalanews.kz.
Daýyl joǵary deńgeıdegi polárlik jaryqtardyń paıda bolýymen kórinedi.
Ǵalymdardyń málimetinshe, plazmalyq bult Jerge jetkennen keıin shamamen 20 saǵattan soń daýyl bastaldy.
Magnıttik daýyldar Kún jeli men Jerdiń magnıt órisiniń ózara árekettesýinen týyndaıdy. Mundaı qubylystar spýtnıkter men baılanys júıeleriniń jumysyna áser etýi múmkin, sondaı-aq sezimtal adamdardyń jaǵdaıyna da áser etedi.
Magnıttik daýyl adamdarǵa qalaı áser etedi?
Magnıttik daýyldardyń sebebinen bas aýrýy, sharshaý, kóńil-kúıdiń ózgerýi, uıqy buzylýy múmkin.
Mamandar bul kúnderi aýa raıyna sezimtal adamdarǵa demalyp, kúızelisti azaıtýǵa jáne kóp sý ishýge keńes beredi.
