Jer zańnamasynda barlyq talaptar eskerilgen
Onyń aitýynsha Zań qoǵamdyq keńes otyrystarynda, basqa da qoǵamdyq alańdarda jurtshylyqpen, aýyl sharýashylyǵy taýar óndirýshilermen keńinen talqylanǵan.
– Zańda aýyl sharýashylyǵy jerlerin berýge engizilgen moratoriidiń sheńberin keńeitý qarastyrylyp otyr. Onda 1 paiyz bolsa da sheteldik úlesi bar qazaqstandyq zańdy tulǵalarǵa jer berilmeitin bolady. Birinshiden, atalǵan Zańda aýyl sharýashylyǵy jerlerin qazaqstandyqtarǵa jalǵa berý normasyn saqtaý jáne jetildirý maqsatynda jalǵa berýdiń jańa ári bólek tártibi qarastyrylǵan. Ekinshiden, aýyl sharýashylyǵy jerlerin úlken kólemde «bir qolǵa» berilýin boldyrmaý maqsatynda, ár oblystyń ákimshilik aýdandary sheginde aýyl sharýashylyǵy jerleriniń shektik mólsherin belgileý kózdelgen, – dedi Sozaqbai Isauly.
Sondai-aq, basqarma basshysynyń aitýynsha, Zańda memlekettik shekaranyń shekaralyq beldeýinde ornalasqan aýyl sharýashylyǵy alqaptary eshkimge berilmeidi, tek jergilikti halyqqa jaiylym, shabyndyq retinde ǵana paidalanýǵa ruqsat etiledi.
Budan ózge, jergilikti turǵyndardyń jeke aýla malynyń sany jyl saiyn ósýine bailanysty Zańmen jaiylym jetispeýshiligin sheshý maqsatynda eldi mekender ainalasynda jaiylym alańdaryn aiqyndaityn norma belgilenip otyr.
OQO ákiminiń baspasóz qyzmeti
