ونىڭ ايتۋىنشا زاڭ قوعامدىق كەڭەس وتىرىستارىندا، باسقا دا قوعامدىق الاڭداردا جۇرتشىلىقپەن، اۋىل شارۋاشىلىعى تاۋار وندىرۋشىلەرمەن كەڭىنەن تالقىلانعان.
– زاڭدا اۋىل شارۋاشىلىعى جەرلەرىن بەرۋگە ەنگىزىلگەن ءموراتورييدىڭ شەڭبەرىن كەڭەيتۋ قاراستىرىلىپ وتىر. وندا 1 پايىز بولسا دا شەتەلدىك ۇلەسى بار قازاقستاندىق زاڭدى تۇلعالارعا جەر بەرىلمەيتىن بولادى. بىرىنشىدەن، اتالعان زاڭدا اۋىل شارۋاشىلىعى جەرلەرىن قازاقستاندىقتارعا جالعا بەرۋ نورماسىن ساقتاۋ جانە جەتىلدىرۋ ماقساتىندا جالعا بەرۋدىڭ جاڭا ءارى بولەك ءتارتىبى قاراستىرىلعان. ەكىنشىدەن، اۋىل شارۋاشىلىعى جەرلەرىن ۇلكەن كولەمدە «ءبىر قولعا» بەرىلۋىن بولدىرماۋ ماقساتىندا، ءار وبلىستىڭ اكىمشىلىك اۋداندارى شەگىندە اۋىل شارۋاشىلىعى جەرلەرىنىڭ شەكتىك مولشەرىن بەلگىلەۋ كوزدەلگەن، – دەدى سوزاقباي يسا ۇلى.
سونداي-اق، باسقارما باسشىسىنىڭ ايتۋىنشا، زاڭدا مەملەكەتتىك شەكارانىڭ شەكارالىق بەلدەۋىندە ورنالاسقان اۋىل شارۋاشىلىعى القاپتارى ەشكىمگە بەرىلمەيدى، تەك جەرگىلىكتى حالىققا جايىلىم، شابىندىق رەتىندە عانا پايدالانۋعا رۇقسات ەتىلەدى.
بۇدان وزگە، جەرگىلىكتى تۇرعىنداردىڭ جەكە اۋلا مالىنىڭ سانى جىل سايىن وسۋىنە بايلانىستى زاڭمەن جايىلىم جەتىسپەۋشىلىگىن شەشۋ ماقساتىندا ەلدى مەكەندەر اينالاسىندا جايىلىم الاڭدارىن ايقىندايتىن نورما بەلگىلەنىپ وتىر.
وقو اكىمىنىڭ باسپا ءسوز قىزمەتى
