Almatyda jer silkinisinen qorqyp, syrtqa shyǵyp nemese basqa jaqqa ketip qalǵan turǵyndarǵa úiine oralýyna bolady, - dep habarlaidy Dalanews.kz.
Bul týraly qalalyq TJD habarlady.
"Kezekten tys otyrystyń qorytyndysy boiynsha Seismologiialyq baiqaýlar men zertteýlerdiń ulttyq ǵylymi ortalyǵynyń (budan ári-komissiia) seismikalyq jaǵdaidy baǵalaý jónindegi komissiiasy aldaǵy kúnderi Almaty boljamdy poligonynyń aýmaǵynda 70%-ǵa jýyq kúshti joiqyn jer silkinisi kútilmeitinin, alaida eleýli qaýip tóndirmeitin qaitalama dúmpýler bolýy múmkin ekenin aitty.
Joǵaryda atalǵan komissiianyń sheshimi negizinde TJD turǵyndardyń turǵylyqty jerine oralýyna bolady dep sanaidy", - delingen resmi habarlamada.
Eske salaiyq, búgin saǵat 11.22-de Almatyda qatty jer silkinisi boldy.
Jer silkinisiniń energetikalyq klasy 13.2.
MPV magnitýdasy 6.1.
Epitsentrdiń koordinattary 42.93° s.e. 76.96° sh.b.
Tereńdigi 10 km.
Seziletindigi týraly málimetter (DSM-64 shkalasy boiynsha): Almaty 5 ball
