الماتىدا جەر سىلكىنىسىنەن قورقىپ، سىرتقا شىعىپ نەمەسە باسقا جاققا كەتىپ قالعان تۇرعىندارعا ۇيىنە ورالۋىنا بولادى، - دەپ حابارلايدى Dalanews.kz. 

بۇل تۋرالى قالالىق تجد حابارلادى. 

"كەزەكتەن تىس وتىرىستىڭ قورىتىندىسى بويىنشا سەيسمولوگيالىق بايقاۋلار مەن زەرتتەۋلەردىڭ ۇلتتىق عىلىمي ورتالىعىنىڭ (بۇدان ارى-كوميسسيا) سەيسميكالىق جاعدايدى باعالاۋ جونىندەگى كوميسسياسى الداعى كۇندەرى الماتى بولجامدى پوليگونىنىڭ اۋماعىندا 70%-عا جۋىق كۇشتى جويقىن جەر سىلكىنىسى كۇتىلمەيتىنىن، الايدا ەلەۋلى ءقاۋىپ توندىرمەيتىن قايتالاما دۇمپۋلەر بولۋى مۇمكىن ەكەنىن ايتتى.

جوعارىدا اتالعان كوميسسيانىڭ شەشىمى نەگىزىندە تجد تۇرعىنداردىڭ تۇرعىلىقتى جەرىنە ورالۋىنا بولادى دەپ سانايدى"، - دەلىنگەن رەسمي حابارلامادا.

ەسكە سالايىق، بۇگىن ساعات 11.22-دە الماتىدا قاتتى جەر سىلكىنىسى بولدى. 

جەر سىلكىنىسىنىڭ ەنەرگەتيكالىق كلاسى 13.2.
MPV ماگنيتۋداسى 6.1.
ەپيسەنتردىڭ كوورديناتتارى 42.93° س.ە. 76.96° ش.ب.
تەرەڭدىگى 10 كم.
سەزىلەتىندىگى تۋرالى مالىمەتتەر (دسم-64 شكالاسى بويىنشا): الماتى 5 بالل