Almatyda bolǵan jer silkinisi kópshiliktiń úreiin ushyrdy. Tipti kópqabatty úilerde turatyndar tótenshe jaǵdai kezinde qaýipti ekenin sezine túsken sekildi. krisha.kz derekterine súiensek, osy jaǵdaidan keiin jer úi jalǵa alatyndar kóbeigen, - dep habarlaidy Dalanews.kz.
Biraq bul baǵaǵa áser eteepti. 24 qańtardaǵy málimet boiynsha naryqta basqa ózgeris joq. Páter satatyndardyń sany artpaǵan, halyq jappai Astanaǵa aǵylyp jatqany da baiqalmaǵan.
"Qysqa merzimge jalǵa beriletin úi, saiajai alatyndar kóbeidi. Jer silkingennen keiingi bir táýlikte suranys tórt ese artty. Bul - uzaqqa sozylmaityn qubylys. Uzaq ýaqytqa úi jalǵa alatyndar asa kóp emes, degenmen suranys eki ese artty", - dep jazylǵan málimette.
Halyq jeke úilerge nege qyzyqqany túsinikti, jer silkingende úreii ushqan biraz adam budan da qatty apat bola ma dep qoryqty.
"Almatyda úidi jalǵa alýdyń ortasha baǵasy táýligine 100 000 teńge. Mundai úiler negizinen saýyq keshin ótkizýge, mereke toilaýǵa arnalǵan. Qazir eń tómen baǵa myna shamada:
- 2 bólmeli saiajai 10 000 teńge;
- 3 bólmeli jer úi 25 000 teńge;
- 4 bólmeli úi 35 000 teńge.
Satylatyn úilerge keler bolsaq, munda jaǵdai qalypty. Baǵa da turaqty", - dep jazylǵan málimette.
Almatyda jer úidiń ortasha baǵasy 40 million teńge bolady eken.
Sýret: elements.envato.com
