الماتىدا بولعان جەر سىلكىنىسى كوپشىلىكتىڭ ۇرەيىن ۇشىردى. ءتىپتى كوپقاباتتى ۇيلەردە تۇراتىندار توتەنشە جاعداي كەزىندە ءقاۋىپتى ەكەنىن سەزىنە تۇسكەن سەكىلدى. krisha.kz دەرەكتەرىنە سۇيەنسەك، وسى جاعدايدان كەيىن جەر ءۇي جالعا الاتىندار كوبەيگەن، - دەپ حابارلايدى Dalanews.kz.
ءبىراق بۇل باعاعا اسەر ەتەەپتى. 24 قاڭتارداعى مالىمەت بويىنشا نارىقتا باسقا وزگەرىس جوق. پاتەر ساتاتىنداردىڭ سانى ارتپاعان، حالىق جاپپاي استاناعا اعىلىپ جاتقانى دا بايقالماعان.
"قىسقا مەرزىمگە جالعا بەرىلەتىن ءۇي، ساياجاي الاتىندار كوبەيدى. جەر سىلكىنگەننەن كەيىنگى ءبىر تاۋلىكتە سۇرانىس ءتورت ەسە ارتتى. بۇل - ۇزاققا سوزىلمايتىن قۇبىلىس. ۇزاق ۋاقىتقا ءۇي جالعا الاتىندار اسا كوپ ەمەس، دەگەنمەن سۇرانىس ەكى ەسە ارتتى"، - دەپ جازىلعان مالىمەتتە.
حالىق جەكە ۇيلەرگە نەگە قىزىققانى تۇسىنىكتى، جەر سىلكىنگەندە ۇرەيى ۇشقان ءبىراز ادام بۇدان دا قاتتى اپات بولا ما دەپ قورىقتى.
"الماتىدا ءۇيدى جالعا الۋدىڭ ورتاشا باعاسى تاۋلىگىنە 100 000 تەڭگە. مۇنداي ۇيلەر نەگىزىنەن ساۋىق كەشىن وتكىزۋگە، مەرەكە تويلاۋعا ارنالعان. ءقازىر ەڭ تومەن باعا مىنا شامادا:
- 2 بولمەلى ساياجاي 10 000 تەڭگە؛
- 3 بولمەلى جەر ءۇي 25 000 تەڭگە؛
- 4 بولمەلى ءۇي 35 000 تەڭگە.
ساتىلاتىن ۇيلەرگە كەلەر بولساق، مۇندا جاعداي قالىپتى. باعا دا تۇراقتى"، - دەپ جازىلعان مالىمەتتە.
الماتىدا جەر ءۇيدىڭ ورتاشا باعاسى 40 ميلليون تەڭگە بولادى ەكەن.
سۋرەت: elements.envato.com
