Elimizde seismikalyq qaýip-qaterdi azaitýǵa baǵyttalǵan jańa normalar bekitilmek, dep habarlaidy Dalanews.kz.
Endi seismoqaýipti aimaqtarda salynatyn ǵimarattar arnaiy júielermen jobalanyp, qurylys bastalǵan sátten bastap táýekelder mindetti túrde baǵalanatyn bolady.
Jańa talaptarǵa sáikes:
– jobalaý kezinde seismooqshaýlaýshy júieler qoldanylady;
– qurylys barysynyń barlyq kezeńinde seismikalyq qaýip pen táýekel baǵalanady;
– ǵimarattardyń konstrýktsiialary seismotózimdilikke mindetti túrde synaqtan ótedi;
– seismoqaýipti óńirlerdegi turǵyn jáne qoǵamdyq ǵimarattar pasporttalady;
– I deńgeidegi jaýapkershilikke jatatyn nysandarǵa injenerlik-seismometriialyq stantsiialar ornatylady;
– qurylys alańdary seismikalyq faktorlar men mikrobólikteý derekterin eskere otyryp tańdalady.
Mamandardyń aitýynsha, bul sharalar apat kezindegi táýekeldi azaityp, turǵyndardyń qaýipsizdigin arttyrýǵa baǵyttalǵan. Jańa normalar ásirese Almaty, Jetisý, Túrkistan sekildi seismikalyq belsendi óńirler úshin mańyzdy bolmaq.
