ەلىمىزدە سەيسميكالىق قاۋىپ-قاتەردى ازايتۋعا باعىتتالعان جاڭا نورمالار بەكىتىلمەك، دەپ حابارلايدى Dalanews.kz.

ەندى سەيسموقاۋىپتى ايماقتاردا سالىناتىن عيماراتتار ارنايى جۇيەلەرمەن جوبالانىپ، قۇرىلىس باستالعان ساتتەن باستاپ تاۋەكەلدەر مىندەتتى تۇردە باعالاناتىن بولادى.

جاڭا تالاپتارعا سايكەس:
– جوبالاۋ كەزىندە سەيسمووقشاۋلاۋشى جۇيەلەر قولدانىلادى؛
– قۇرىلىس بارىسىنىڭ بارلىق كەزەڭىندە سەيسميكالىق ءقاۋىپ پەن تاۋەكەل باعالانادى؛
– عيماراتتاردىڭ كونسترۋكسيالارى سەيسموتوزىمدىلىككە مىندەتتى تۇردە سىناقتان وتەدى؛
– سەيسموقاۋىپتى وڭىرلەردەگى تۇرعىن جانە قوعامدىق عيماراتتار پاسپورتتالادى؛
– I دەڭگەيدەگى جاۋاپكەرشىلىككە جاتاتىن نىساندارعا ينجەنەرلىك-سەيسمومەتريالىق ستانسيالار ورناتىلادى؛
– قۇرىلىس الاڭدارى سەيسميكالىق فاكتورلار مەن ميكروبولىكتەۋ دەرەكتەرىن ەسكەرە وتىرىپ تاڭدالادى.

مامانداردىڭ ايتۋىنشا، بۇل شارالار اپات كەزىندەگى تاۋەكەلدى ازايتىپ، تۇرعىنداردىڭ قاۋىپسىزدىگىن ارتتىرۋعا باعىتتالعان. جاڭا نورمالار اسىرەسە الماتى، جەتىسۋ، تۇركىستان سەكىلدى سەيسميكالىق بەلسەندى وڭىرلەر ءۇشىن ماڭىزدى بولماق.