Jer satyp qamalǵan sheneýnikter bostandyqqa shyqty
Tergeý isiniń mundai sheshimi jábirlenýshilerdiń ashý-yzasyn týǵyzdy. Olar jer isin qaita qaraýyn talap etedi. Jer alamyz dep sheneýnikterge 33 adam aqsha bergen.
Olardyń advokaty Faizinisso Voҳidova Ozodi radiosyna bergen suhbatynda 11 jábirlenýshi sheneýnikterge qatysty istiń qaita qaraýyn talap etip jatqanyn aitady.
Qamalǵandardyń ishinde Hýdjand qalasy ákiminiń orynbasary Dadodjon Abdýlloev, Jerdi paidalaný komitetiniń tóraǵasy Abdýhalil Iormatovtar da bar. Olarǵa qarsy qozǵalǵan qylmystyq is 2014 jylǵy «Amnistiia jónindegi» zańǵa sáikes toqtatylǵan.
Advokattyń sózderinshe, jaýapqa tartylǵan sheneýnikter halyqqa jer beremiz dep, jekelegen adamdardan para alyp, olarǵa jalǵan qujattar bergen.
Jer ýchaskesine qatysty qylmystyq is sheneýnik pen jer alýshylar arasynda júrgen deldal Mýin Mansýrov ústimizdegi jyldyń 29 qańtarynda 2 myń dollar para alyp jatqan jerinde ustalǵan soń ashyldy.
"QmD" aqparat
