جەر ساتىپ قامالعان شەنەۋنٸكتەر بوستاندىققا شىقتى
تەرگەۋ ٸسٸنٸڭ مۇنداي شەشٸمٸ جەبٸرلەنۋشٸلەردٸڭ اشۋ-ىزاسىن تۋعىزدى. ولار جەر ٸسٸن قايتا قاراۋىن تالاپ ەتەدٸ. جەر الامىز دەپ شەنەۋنٸكتەرگە 33 ادام اقشا بەرگەن.
ولاردىڭ ادۆوكاتى فايزينيسسو ۆوҳيدوۆا وزودي راديوسىنا بەرگەن سۇحباتىندا 11 جەبٸرلەنۋشٸ شەنەۋنٸكتەرگە قاتىستى ٸستٸڭ قايتا قاراۋىن تالاپ ەتٸپ جاتقانىن ايتادى.
قامالعانداردىڭ ٸشٸندە حۋدجاند قالاسى ەكٸمٸنٸڭ ورىنباسارى دادودجون ابدۋللوەۆ, جەردٸ پايدالانۋ كوميتەتٸنٸڭ تٶراعاسى ابدۋحاليل يورماتوۆتار دا بار. ولارعا قارسى قوزعالعان قىلمىستىق ٸس 2014 جىلعى «امنيستييا جٶنٸندەگٸ» زاڭعا سەيكەس توقتاتىلعان.
ادۆوكاتتىڭ سٶزدەرٸنشە, جاۋاپقا تارتىلعان شەنەۋنٸكتەر حالىققا جەر بەرەمٸز دەپ, جەكەلەگەن ادامداردان پارا الىپ, ولارعا جالعان قۇجاتتار بەرگەن.
جەر ۋچاسكەسٸنە قاتىستى قىلمىستىق ٸس شەنەۋنٸك پەن جەر الۋشىلار اراسىندا جٷرگەن دەلدال مۋين مانسۋروۆ ٷستٸمٸزدەگٸ جىلدىڭ 29 قاڭتارىندا 2 مىڭ دوللار پارا الىپ جاتقان جەرٸندە ۇستالعان سوڭ اشىلدى.
"قمد" اقپارات
