Jer reformasy komissiiasynyń Atyraýdaǵy otyrysy bastaldy
– Kún tártibine, birinshiden, aýyl sharýashylyǵy jerlerin qazaqstandyqtarǵa jalǵa berý institýtyn jetildirý máselesi shyǵarylady. Oǵan jerdi utymdy paidalanýǵa baqylaýdy kúsheitý, jerdi jalǵa berý rásimderiniń ashyqtyǵyn, tiimdiligin arttyrý, bir qolǵa jalǵa beriletin jerlerdiń shekti mólsherin belgileý, Qazaqstannyń shekaralas aýmaqtarynan beriletin aýyl sharýashylyǵy jerlerin paidalaný tártibin kúsheitý kiredi. Ekinshiden, eldi meken mańaiynan jergilikti turǵyndardy qajetti jaiylymdyq jerlermen qamtamasyz etý júiesin qalyptastyrýǵa, úshinshiden, moratorii jariialanǵan 2 máselege – qazaqstandyqtarǵa jeke menshikke jáne sheteldikterge jalǵa berýge bailanysty pikir almasý kózdelip otyr, – dedi Asqar Myrzahmetov.
Aita ketsek, búgin H.Dosmuhamedov atyndaǵy Atyraý memlekettik ýniversitetinde QR Premer-Ministriniń orynbasary – Aýyl sharýashylyǵy ministri Asqar Myrzahmetovtyń tóraǵalyǵymen Jer reformasy jónindegi komissiia músheleriniń Atyraý oblysy halqymen kezdesýi ótip jatyr. Segizinshi otyrysqa komissiianyń 25 múshesi qatysyp otyr.
Kezdesýge aýyl sharýashylyǵy taýaryn óndirýshiler men kásipkerler, salalyq odaqtar men qaýymdastyqtar, barlyq deńgeidegi qoǵamdyq keńes músheleri, partiialyq jáne kásipodaq uiymdary, ortalyq jáne jergilikti atqarýshy organdar qatysyp, óńir aýdandarynyń turǵyndary selektorlyq rejimde bailanysqa shyǵyp otyr. Sonymen qatar, «Bnews.kz» saitynda tikelei efir uiymdastyrylǵan.
Eske sala ketsek, buǵan deiin komissiianyń Astanada tórt, al úsh kóshpeli otyrysy Aqmola, Almaty jáne Qyzylorda oblystarynda ótken bolatyn.
Aiymgúl ÁBILEVA
