– كۇن ءتارتiبiنە، بiرiنشiدەن، اۋىل شارۋاشىلىعى جەرلەرىن قازاقستاندىقتارعا جالعا بەرۋ ينستيتۋتىن جەتىلدىرۋ ماسەلەسى شىعارىلادى. وعان جەردى ۇتىمدى پايدالانۋعا باقىلاۋدى كۇشەيتۋ، جەردى جالعا بەرۋ راسىمدەرىنىڭ اشىقتىعىن، تيىمدىلىگىن ارتتىرۋ، ءبىر قولعا جالعا بەرىلەتىن جەرلەردىڭ شەكتى مولشەرىن بەلگىلەۋ، قازاقستاننىڭ شەكارالاس اۋماقتارىنان بەرىلەتىن اۋىل شارۋاشىلىعى جەرلەرىن پايدالانۋ ءتارتىبىن كۇشەيتۋ كىرەدى. ەكىنشىدەن، ەلدى مەكەن ماڭايىنان جەرگىلىكتى تۇرعىنداردى قاجەتتى جايىلىمدىق جەرلەرمەن قامتاماسىز ەتۋ جۇيەسىن قالىپتاستىرۋعا، ۇشىنشىدەن، موراتوريي جاريالانعان 2 ماسەلەگە – قازاقستاندىقتارعا جەكە مەنشىككە جانە شەتەلدىكتەرگە جالعا بەرۋگە بايلانىستى پىكىر الماسۋ كوزدەلىپ وتىر، – دەدi اسقار مىرزاحمەتوۆ.
ايتا كەتسەك، بۇگiن ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىندە ق ر پرەمەر-مينيسترىنىڭ ورىنباسارى – اۋىل شارۋاشىلىعى ءمينيسترى اسقار مىرزاحمەتوۆتىڭ توراعالىعىمەن جەر رەفورماسى ءجونiندەگi كوميسسيا مۇشەلەرىنiڭ اتىراۋ وبلىسى حالقىمەن كەزدەسۋi ءوتiپ جاتىر. سەگiزiنشi وتىرىسقا كوميسسيانىڭ 25 مۇشەسi قاتىسىپ وتىر.
كەزدەسۋگە اۋىل شارۋاشىلىعى تاۋارىن وندىرۋشىلەر مەن كاسىپكەرلەر، سالالىق وداقتار مەن قاۋىمداستىقتار، بارلىق دەڭگەيدەگى قوعامدىق كەڭەس مۇشەلەرى، پارتيالىق جانە كاسىپوداق ۇيىمدارى، ورتالىق جانە جەرگىلىكتى اتقارۋشى ورگاندار قاتىسىپ، ءوڭىر اۋداندارىنىڭ تۇرعىندارى سەلەكتورلىق رەجيمدە بايلانىسقا شىعىپ وتىر. سونىمەن قاتار، «Bnews.kz» سايتىندا تىكەلەي ەفير ۇيىمداستىرىلعان.
ەسكە سالا كەتسەك، بۇعان دەيiن كوميسسيانىڭ استانادا ءتورت، ال ءۇش كوشپەلi وتىرىسى اقمولا، الماتى جانە قىزىلوردا وبلىستارىندا وتكەن بولاتىن.
ايىمگۇل ابىليەۆا
