Jer reformasy jónindegi komissiianyń ekinshi otyrysynda «Nur Otan» partiiasy Tóraǵasynyń birinshi orynbasary Muhtar Qul-Muhamed "jerdi jeke menshikke berý qazaq úshin jańalyq emes" dep málimdedi.
Muhtar Abrarulynyń aitýynsha, Konstitýtsiianyń 6-babynda jer jeke menshikte de, memleket menshiginde de bolýy kerek dep jazylǵan.
Sondyqtan, kez kelgen sheshim Konstitýtsiiaǵa qaishy keletin bolsa, ondai zańnyń eshqandai da kúshi joq.
Muhtar Qul-Muhammed, «Nur Otan» partiiasy Tóraǵasynyń birinshi orynbasary:
— Elbasy ne úshin moratorii jariialap otyr. Talqylap otyrǵan zań jobasynda shikilikter kóp. Sonyń biri – Qazaqstan azamattaryna jerdi jeke menshikke satý. Biraq jalǵa berýge bolmaidy deidi. Osy ýaqytqa deiingi qoldanylyp otyrǵan kodekste jalǵa berý de bolǵan. Jeke menshikke berý de bolǵan. Al endi jalǵa bermeitin bolsaq, qazir Qazaqstan azamattary «sheteldikke jalǵa berýge bolady» deidi. «Qazaqstandyqqa jalǵa berýge bolmaidy» deidi. Satyp alýǵa bolady deidi. Sondyqtan qazaqstandyqtar úshin jalǵa berilýi kerek, satylýy da kerek. Óitkeni bireýdiń aqshasy bar. Ekinshisinde joq.
Derekkóz: jerturaly.kz
