مۇحتار ابرار ۇلىنىڭ ايتۋىنشا، كونستيتۋسيانىڭ 6-بابىندا جەر جەكە مەنشىكتە دە، مەملەكەت مەنشىگىندە دە بولۋى كەرەك دەپ جازىلعان.
سوندىقتان، كەز كەلگەن شەشىم كونستيتۋسياعا قايشى كەلەتىن بولسا، ونداي زاڭنىڭ ەشقانداي دا كۇشى جوق.
مۇحتار قۇل-مۇحاممەد، «نۇر وتان» پارتياسى ءتوراعاسىنىڭ ءبىرىنشى ورىنباسارى:
— ەلباسى نە ءۇشىن موراتوريي جاريالاپ وتىر. تالقىلاپ وتىرعان زاڭ جوباسىندا شيكىلىكتەر كوپ. سونىڭ ءبىرى – قازاقستان ازاماتتارىنا جەردى جەكە مەنشىككە ساتۋ. ءبىراق جالعا بەرۋگە بولمايدى دەيدى. وسى ۋاقىتقا دەيىنگى قولدانىلىپ وتىرعان كودەكستە جالعا بەرۋ دە بولعان. جەكە مەنشىككە بەرۋ دە بولعان. ال ەندى جالعا بەرمەيتىن بولساق، ءقازىر قازاقستان ازاماتتارى «شەتەلدىككە جالعا بەرۋگە بولادى» دەيدى. «قازاقستاندىققا جالعا بەرۋگە بولمايدى» دەيدى. ساتىپ الۋعا بولادى دەيدى. سوندىقتان قازاقستاندىقتار ءۇشىن جالعا بەرىلۋى كەرەك، ساتىلۋى دا كەرەك. ويتكەنى بىرەۋدىڭ اقشاسى بار. ەكىنشىسىندە جوق.
دەرەككوز: jerturaly.kz
