Búgin «AMANAT» partiiasynyń Ortalyq apparatynda «Jer amanaty» komissiiasynyń keńeitilgen otyrysy ótti. Onyń barysynda atqarylǵan jumystyń aralyq qorytyndysy shyǵarylyp, aldaǵy mindetter aiqyndaldy.
Is-sharaǵa Májilistegi «AMANAT» partiiasy fraktsiiasynyń depýtattary, Bas prokýratýranyń, Aýyl sharýashylyǵy ministrliginiń basshylyǵy, qoǵam qairatkerleri, partiianyń óńirlik filialdarynyń atqarýshy hatshylary jáne taǵy basqalar qatysty.
Otyrysty ashqan partiia Tóraǵasy Erlan Qoshanov jaiylymdyq jer máselesi Memleket basshysy Qasym-Jomart Toqaevtyń jeke baqylaýynda ekenin atap ótti.
«Byltyr Prezident igerilmei jatqan jerlerdi memleketke qaitaryp alý týraly Úkimet pen Bas prokýratýraǵa arnaiy tapsyrma bergen bolatyn. Bul jumysqa «AMANAT» partiiasynyń janynan qurylǵan osy bizdiń «Jer amanaty» komissiiasy da belsendi at salysyp keledi. Máselen, búginde elimiz boiynsha 5 million gektar jer memleket menshigine qaitarylsa, onyń naqty 3 million gektary «Jer amanaty» komissiiasynyń tikelei aralasýymen iske asty», - dedi Erlan Qoshanov.
Ol az ýaqyt ishinde komissiianyń «jedel jelisine» turǵyndardan 2,5 myńnan astam ótinish kelip túskenin atap ótti. Onyń barlyǵy jergilikti ákimdiktermen jáne beiindi ministrlikpen birlesip muqiiat qaraldy.
Sondai-aq, partiia Tóraǵasy aldaǵy ýaqytta atqarylatyn jumystardyń negizgi mindetterin atap ótti. Máselen, óńirlik komissiialar memleketke qaitarylǵan aýyl sharýashylyǵy jerleriniń halyq arasynda ádil bólinýine qatań baqylaý jasaýy qajet. Sondai-aq, jerdi zańsyz bólgen laýazymdy tulǵalardy jaýapkershilikke tartý jáne bolashaqta osyndai faktilerge jol bermeý úshin tiisti sharalar qabyldaý kerek.
«Jer amanaty» komissiiasynyń músheleri árbir aýyldyq eldi mekendegi jaiylym tapshylyǵy men memleket menshigine qaitarylǵan jer ýchaskeleriniń tizbesin kórsetetin interaktivti karta ázirleýdi usyndy.
Sondai-aq, otyrys barysynda Aýyl sharýashylyǵy ministri Erbol Qarashókeev, Bas prokýrordyń orynbasary Áset Shyndaliev, zańger Baqytjan Bazarbek, qoǵam qairatkerleri Murat Ábenov, Ǵalym Baitoq, jýrnalist Maqsat Tolyqbai, partiia filialdarynyń atqarýshy hatshylary jáne taǵy basqalar sóz sóiledi.
