بٷگٸن «AMANAT» پارتيياسىنىڭ ورتالىق اپپاراتىندا «جەر اماناتى» كوميسسيياسىنىڭ كەڭەيتٸلگەن وتىرىسى ٶتتٸ. ونىڭ بارىسىندا اتقارىلعان جۇمىستىڭ ارالىق قورىتىندىسى شىعارىلىپ, الداعى مٸندەتتەر ايقىندالدى.
ٸس-شاراعا مەجٸلٸستەگٸ «AMANAT» پارتيياسى فراكتسيياسىنىڭ دەپۋتاتتارى, باس پروكۋراتۋرانىڭ, اۋىل شارۋاشىلىعى مينيسترلٸگٸنٸڭ باسشىلىعى, قوعام قايراتكەرلەرٸ, پارتييانىڭ ٶڭٸرلٸك فيليالدارىنىڭ اتقارۋشى حاتشىلارى جەنە تاعى باسقالار قاتىستى.
وتىرىستى اشقان پارتييا تٶراعاسى ەرلان قوشانوۆ جايىلىمدىق جەر مەسەلەسٸ مەملەكەت باسشىسى قاسىم-جومارت توقاەۆتىڭ جەكە باقىلاۋىندا ەكەنٸن اتاپ ٶتتٸ.
«بىلتىر پرەزيدەنت يگەرٸلمەي جاتقان جەرلەردٸ مەملەكەتكە قايتارىپ الۋ تۋرالى ٷكٸمەت پەن باس پروكۋراتۋراعا ارنايى تاپسىرما بەرگەن بولاتىن. بۇل جۇمىسقا «AMANAT» پارتيياسىنىڭ جانىنان قۇرىلعان وسى بٸزدٸڭ «جەر اماناتى» كوميسسيياسى دا بەلسەندٸ ات سالىسىپ كەلەدٸ. مەسەلەن, بٷگٸندە ەلٸمٸز بويىنشا 5 ميلليون گەكتار جەر مەملەكەت مەنشٸگٸنە قايتارىلسا, ونىڭ ناقتى 3 ميلليون گەكتارى «جەر اماناتى» كوميسسيياسىنىڭ تٸكەلەي ارالاسۋىمەن ٸسكە استى», - دەدٸ ەرلان قوشانوۆ.
ول از ۋاقىت ٸشٸندە كوميسسييانىڭ «جەدەل جەلٸسٸنە» تۇرعىنداردان 2,5 مىڭنان استام ٶتٸنٸش كەلٸپ تٷسكەنٸن اتاپ ٶتتٸ. ونىڭ بارلىعى جەرگٸلٸكتٸ ەكٸمدٸكتەرمەن جەنە بەيٸندٸ مينيسترلٸكپەن بٸرلەسٸپ مۇقييات قارالدى.
سونداي-اق, پارتييا تٶراعاسى الداعى ۋاقىتتا اتقارىلاتىن جۇمىستاردىڭ نەگٸزگٸ مٸندەتتەرٸن اتاپ ٶتتٸ. مەسەلەن, ٶڭٸرلٸك كوميسسييالار مەملەكەتكە قايتارىلعان اۋىل شارۋاشىلىعى جەرلەرٸنٸڭ حالىق اراسىندا ەدٸل بٶلٸنۋٸنە قاتاڭ باقىلاۋ جاساۋى قاجەت. سونداي-اق, جەردٸ زاڭسىز بٶلگەن لاۋازىمدى تۇلعالاردى جاۋاپكەرشٸلٸككە تارتۋ جەنە بولاشاقتا وسىنداي فاكتٸلەرگە جول بەرمەۋ ٷشٸن تيٸستٸ شارالار قابىلداۋ كەرەك.
«جەر اماناتى» كوميسسيياسىنىڭ مٷشەلەرٸ ەربٸر اۋىلدىق ەلدٸ مەكەندەگٸ جايىلىم تاپشىلىعى مەن مەملەكەت مەنشٸگٸنە قايتارىلعان جەر ۋچاسكەلەرٸنٸڭ تٸزبەسٸن كٶرسەتەتٸن ينتەراكتيۆتٸ كارتا ەزٸرلەۋدٸ ۇسىندى.
سونداي-اق, وتىرىس بارىسىندا اۋىل شارۋاشىلىعى مينيسترٸ ەربول قاراشٶكەەۆ, باس پروكۋروردىڭ ورىنباسارى ەسەت شىنداليەۆ, زاڭگەر باقىتجان بازاربەك, قوعام قايراتكەرلەرٸ مۇرات ەبەنوۆ, عالىم بايتوق, جۋرناليست ماقسات تولىقباي, پارتييا فيليالدارىنىڭ اتقارۋشى حاتشىلارى جەنە تاعى باسقالار سٶز سٶيلەدٸ.
