Respýblikalyq júk kóligi júrgizýshileri men ieleri qaýymdastyǵy habarlaǵandai, Chevrolet Cobalt markaly jeńil avtokólikke 26 tonna artyq júk artqany úshin aiyppul salyndy dep málimdeidi Dalanews.kz.
1,5 tonna salmaq tartatyn, eń kóbi 400 kilogramm júk kótere alatyn kólikke «26 tonna artyq júkpen júrgen» degen aiyp taǵyldy.
Respýblikalyq júk kóligi júrgizýshileri men ieleri qaýymdastyǵy:
«Bul jai ǵana tehnikalyq qate emes- eldegi salmaq jáne gabarittik baqylaý júiesiniń bedelin túsiretin óreskel olqylyq. Eger jeńil avtokólik osyndai qisynsyz aiypqa ilikse, kún saiyn jolda júrgen myńdaǵan júk kólikterine qatysty qandai ádildik kútýge bolady?
Qazirgi tańda kóptegen júrgizýshiler kalibrovkadan ótpegen, tekserilmegen, baǵdarlamalyq qatesi bar arkalar arqyly ádiletsiz aiyppul alyp otyr. Bul jaǵdai azamattardyń memlekettik baqylaý júiesine degen senimin álsiretedi»,- dep habarlaidy qaýymdastyq.
«El boiynsha barlyq salmaq ólsheý arkalaryna tolyq aýdit júrgizý, baǵdarlamalyq qamtamasyz etýdi tekserip, jalǵan hattamalarǵa jol bergen kinálilerdi anyqtaý kerek»,- delingen habarlamada.
