Solardyń arasynda aman qalǵan Didar Ómirzaqov aýrýhanadan úiine oraldy, dep habarlaidy Dalanews.kz Almaty.tv-ǵa silteme jasap.
Didar Ómirzaqov 26 tamyzdy kúrsine aýyr eske alady. Sebebi janyndaǵy jumystas joldastarynyń birazy sol kúngi oqiǵadan soń baqilyq boldy.
Kúndelikti shaqyrtýǵa shyqqan 3 órt sóndirý kóligi jarylys ornyna barady. Biraq kómek kórsetýge jetken qyzmetkerler oqiǵanyń bulai óris alaryn oilamaǵan edi.
"Biz jańaǵy janyp jatqan qoimadan shamamen 20-30 metr jerde turdyq. Biz Mikropýlo degen podpolkovnikten tapsyrma alyp, endi daiyndalyp jatqanda jarylys bolyp ketti. Sodan jan-jaqqa bizdi laqtyryp jiberdi.
Jan-jaǵymyzdyń barlyǵy qarańǵy, shań, ar jaq janyp jatyr. Jeńi julynyp ketipti menikiniń. Basymyzdaǵy kaska bolatyn ol da joq.
Odan soń men janymdaǵy joldasym Jánibekti izdei bastadym. Bir-birimizdi taýyp aldyq ta, myna jerden shyǵaiyq dep shamaly júrdik. Sóitken kezde taǵy bir jarylys boldy. Bizdi taǵy laqtyryp jiberdi. Qoimalardan shyqsaq úlken okop bar eken. Sol okopqa baryp", – dedi qalalyq №1 mamandandyrylǵan órt sóndirý bóliminiń bólimshe komandiri Didar Ómirzaqov.
Jarylystan zardap shekkender sol akopta jan saqtaǵandaryn aitady. Odan soń biraz dúmpýler bolǵan kórinedi. Keiin báseńsigende kómek kelip, aldymen aýyr jaraqattanǵandaryn salyp jiberdik deidi. Didardyń ózi de aýyr jaraqat alǵan. Qos qulaǵy zaqymdanyp, basy jarylǵan, denesin 20 paiyz kúiik shalǵan. Qutqarýshy qazir tek qaza tapqan joldastarynyń otbasyna kóńil aitady.
Endi solai boldy endi. Áieline, anasyna, aǵasy bar, solarǵa qaiǵyryp kóńil aitamyn, – dedi Taraz qalalyq №1 mamandandyrylǵan órt sóndirý bóliminiń bólimshe komandiri Didar Ómirzaqov.
Eske salsaq, ótken senbide órt sóndirýshi Jánibek Turmanov qaitys bolǵan edi. Ol buǵan deiin Nur-Sultandaǵy travmatologiia jáne ortepediia ǵylymi-zertteý institýtynyń aýrýhanasynda em alyp jatqan edi. Artynan eki balasy men jubaiy qaldy.
https://youtu.be/xeM3mBAOZf0
