سولاردىڭ اراسىندا امان قالعان ديدار ءومىرزاقوۆ اۋرۋحانادان ۇيىنە ورالدى، دەپ حابارلايدى Dalanews.kz Almaty.tv-عا سىلتەمە جاساپ.
ديدار ءومىرزاقوۆ 26 تامىزدى كۇرسىنە اۋىر ەسكە الادى. سەبەبى جانىنداعى جۇمىستاس جولداستارىنىڭ ءبىرازى سول كۇنگى وقيعادان سوڭ باقيلىق بولدى.
كۇندەلىكتى شاقىرتۋعا شىققان 3 ءورت ءسوندىرۋ كولىگى جارىلىس ورنىنا بارادى. ءبىراق كومەك كورسەتۋگە جەتكەن قىزمەتكەرلەر وقيعانىڭ بۇلاي ءورىس الارىن ويلاماعان ەدى.
"ءبىز جاڭاعى جانىپ جاتقان قويمادان شامامەن 20-30 مەتر جەردە تۇردىق. ءبىز ميكروپۋلو دەگەن پودپولكوۆنيكتەن تاپسىرما الىپ، ەندى دايىندالىپ جاتقاندا جارىلىس بولىپ كەتتى. سودان جان-جاققا ءبىزدى لاقتىرىپ جىبەردى.
جان-جاعىمىزدىڭ بارلىعى قاراڭعى، شاڭ، ار جاق جانىپ جاتىر. جەڭى جۇلىنىپ كەتىپتى مەنىكىنىڭ. باسىمىزداعى كاسكا بولاتىن ول دا جوق.
ودان سوڭ مەن جانىمداعى جولداسىم جانىبەكتى ىزدەي باستادىم. ءبىر-بىرىمىزدى تاۋىپ الدىق تا، مىنا جەردەن شىعايىق دەپ شامالى جۇردىك. سويتكەن كەزدە تاعى ءبىر جارىلىس بولدى. ءبىزدى تاعى لاقتىرىپ جىبەردى. قويمالاردان شىقساق ۇلكەن وكوپ بار ەكەن. سول وكوپقا بارىپ"، – دەدى قالالىق №1 مامانداندىرىلعان ءورت ءسوندىرۋ ءبولىمىنىڭ بولىمشە كومانديرى ديدار ءومىرزاقوۆ.
جارىلىستان زارداپ شەككەندەر سول اكوپتا جان ساقتاعاندارىن ايتادى. ودان سوڭ ءبىراز دۇمپۋلەر بولعان كورىنەدى. كەيىن باسەڭسىگەندە كومەك كەلىپ، الدىمەن اۋىر جاراقاتتانعاندارىن سالىپ جىبەردىك دەيدى. ديداردىڭ ءوزى دە اۋىر جاراقات العان. قوس قۇلاعى زاقىمدانىپ، باسى جارىلعان، دەنەسىن 20 پايىز كۇيىك شالعان. قۇتقارۋشى ءقازىر تەك قازا تاپقان جولداستارىنىڭ وتباسىنا كوڭىل ايتادى.
ەندى سولاي بولدى ەندى. ايەلىنە، اناسىنا، اعاسى بار، سولارعا قايعىرىپ كوڭىل ايتامىن، – دەدى تاراز قالالىق №1 مامانداندىرىلعان ءورت ءسوندىرۋ ءبولىمىنىڭ بولىمشە كومانديرى ديدار ءومىرزاقوۆ.
ەسكە سالساق، وتكەن سەنبىدە ءورت ءسوندىرۋشى جانىبەك تۇرمانوۆ قايتىس بولعان ەدى. ول بۇعان دەيىن نۇر-سۇلتانداعى تراۆماتولوگيا جانە ورتەپەديا عىلىمي-زەرتتەۋ ينستيتۋتىنىڭ اۋرۋحاناسىندا ەم الىپ جاتقان ەدى. ارتىنان ەكى بالاسى مەن جۇبايى قالدى.
https://youtu.be/xeM3mBAOZf0
