Qazaqstan Respýblikasy Úkimetiniń 2020 jylǵy 4 aqpandaǵy № 32 qaýlysymen Sybailas jemqorlyq quqyq buzýshylyq faktisi týraly habarlaǵan tulǵalardy kótermeleý qaǵidalaryna túzetýler qabyldandy.
Baspasóz konferentsiiada Sybailas jemqorlyqqa qarsy is-qimyl agenttiginiń ákimshilik-quqyqtyq departamentiniń bas sarapshysy Erik Bishibekov sybailas jemqorlyq faktileri týraly habarlaǵan azamattardy kótermeleýdiń júiesi týraly aityp ótti.
"Paranyń nemese keltirilgen zalaldyń somasy ne usynylǵan jeńildikterdiń nemese kórsetilgen qyzmetterdiń quny 1 000 AEK – ten (2 651 000 teńge) aspaityn sybailas jemqorlyq qylmystar boiynsha-syiaqy somasy qylmystyń sanatyna 30 AEK-ke –ten 100 AEK-ke deiin (79 530-dan 265 100 teńge) quraidy. Eger paranyń nemese keltirilgen zalaldyń somasy ne usynylǵan jeńildikterdiń nemese kórsetilgen qyzmetterdiń quny 1 000 AEK-ten assa (2 651 000 teńge) – syiaqy somasy kórsetilgen somanyń 10% - yn quraidy, biraq syiaqynyń somasy 4 000 AEK-ten (10 604 000 teńge) aspaýy tiis", – dedi spiker.
Spiker, sonymen qatar, Qaǵidalar jobasyn ázirleý kezinde múddeli memlekettik organdar tarapynan ótinishti berý tetigin jetildirý, sondai-aq sybailas jemqorlyqqa qarsy qyzmettiń kótermeleýge usynylǵan materialdardy qarastyrýdyń ishki algoritmin naqtylaý bóliginde usynystar berildi. Atalǵan usynystar qabyldanyp, Qaǵidalarǵa engizildi.
Sybailas jemqorlyq qylmystardy anyqtaý, jolyn kesý, ashý jáne tergeý boiynsha aqparat bergeni úshin nemese ózge de túrde kórsetilgen járdem úshin qarjylyq yntalandyrý mólsherin ulǵaitý sybailas jemqorlyqqa qarsy kúreste halyqtyń azamattyq ustanymyn jandandyrýǵa baǵyttalǵan.
"Habarlaýshylardy kótermeleýdiń uqsas júiesi birqatar shet elderde (Germaniia, AQSh, Ulybritaniia jáne Gonkong) tabysty qoldanylady. Qaýly alǵashqy resmi jariialanǵan kúninen keiin kúntizbelik on kún ótken soń, iaǵni a. j. 15 aqpannan bastap qoldanysqa engiziledi", - dep qosty spiker.
