Oǵan dálel retinde 4 paiyzdyq avto nesie, kúiregen AziiaAvto jobasy, Bipek avto qashyp ketken Balýshkin.
Kezinde Deo kompaniiasynyń Ózbekstanǵa deiin elimizde avto óndiris salasyn tolyq modernizatsiialaimyz dep investitsiia quiýǵa kelgenin de aitpasa bolmaidy.
Bizdiń shendilerdiń para suraǵanda olar "biz senderde tolyq óndiris tsiklin qoiayq dep turmyz, sizder bolsańyzdar taǵy aqsha suraisyzdar" dep kórshi elge baryp, ol jaqtaǵy avto óndiristi tolyq modernizatsiiadan ótkizdi.
Bul salanyń Qazaqstan úshin sabaǵy mol boldy dep oilaimyn.
Endi koreialyq KIA kompaniiasy Qostanaida tolyq tsikldi zaýyt salatyny aitylyp jatyr.
Zaýyt 2025 jyly iske qosylyp, 1500 joǵary aqyly jumys orny ashylady. Jylyna 70 myń kólik shyǵarylady degen málimetter aitylýda. Osy sandardy esimizde saqtap alýymyz qajet dep esepteimin.
Eger joba nátijeli júzege assa avtokólikterdi Resei naryǵyna shyǵarýdy kózdep otyrǵan kórinedi. Tek ishki naryqqa emes, kórshi elge ótkizýdi kózdegenderi durys dep esepteimin. Odan eksporttyq áleýetimiz artady, teńgemizdiń turaqtylyǵyna da yqpal etedi. Jobaǵa seriktes bolyp otyrǵan Allur kompaniiasy qazirdiń ózinde biraz ónimin kórshi elge eksporttaidy eken.
Eger joǵarydaǵy málimetter ras bolyp, jumys ornyndary ashylyp jatsa, elimizde avto óndirisiniń tolyq tsikli qoiylsa, onda bul sala modernizatsiiadan ótti deýge bolady. Ári el ekonomikasyna oń áser etetini sózsiz. Qostanai óńirinde mundai jobalardyń bastalyp jatqany árine qýantady.
Biraq bul buǵan deiingi sátsiz jobalardyń biri bolyp jatsa, erteń memlekettik biýdjetten 4 paiyzdyq avto nesie siiaqty atalǵan zaýyttyń ónimderin qoldaý kerek dep halyq jinaǵan qarajatty aýdarý stsenarii júrip jatsa. Onda halyq bolyp, azamattyq qoǵam bolyp ondai áreketterge jol bermeýimiz qajet dep esepteimin.
Maqsat HALYQ, ekonomist
