وعان دەلەل رەتٸندە 4 پايىزدىق اۆتو نەسيە, كٷيرەگەن ازييااۆتو جوباسى, بيپەك اۆتو قاشىپ كەتكەن بالۋشكين.
كەزٸندە Deo كومپانيياسىنىڭ ٶزبەكستانعا دەيٸن ەلٸمٸزدە اۆتو ٶندٸرٸس سالاسىن تولىق مودەرنيزاتسييالايمىز دەپ ينۆەستيتسييا قۇيۋعا كەلگەنٸن دە ايتپاسا بولمايدى.
بٸزدٸڭ شەندٸلەردٸڭ پارا سۇراعاندا ولار "بٸز سەندەردە تولىق ٶندٸرٸس تسيكلٸن قوياىق دەپ تۇرمىز, سٸزدەر بولساڭىزدار تاعى اقشا سۇرايسىزدار" دەپ كٶرشٸ ەلگە بارىپ, ول جاقتاعى اۆتو ٶندٸرٸستٸ تولىق مودەرنيزاتسييادان ٶتكٸزدٸ.
بۇل سالانىڭ قازاقستان ٷشٸن ساباعى مول بولدى دەپ ويلايمىن.
ەندٸ كورەيالىق KIA كومپانيياسى قوستانايدا تولىق تسيكلدٸ زاۋىت سالاتىنى ايتىلىپ جاتىر.
زاۋىت 2025 جىلى ٸسكە قوسىلىپ, 1500 جوعارى اقىلى جۇمىس ورنى اشىلادى. جىلىنا 70 مىڭ كٶلٸك شىعارىلادى دەگەن مەلٸمەتتەر ايتىلۋدا. وسى سانداردى ەسٸمٸزدە ساقتاپ الۋىمىز قاجەت دەپ ەسەپتەيمٸن.
ەگەر جوبا نەتيجەلٸ جٷزەگە اسسا اۆتوكٶلٸكتەردٸ رەسەي نارىعىنا شىعارۋدى كٶزدەپ وتىرعان كٶرٸنەدٸ. تەك ٸشكٸ نارىققا ەمەس, كٶرشٸ ەلگە ٶتكٸزۋدٸ كٶزدەگەندەرٸ دۇرىس دەپ ەسەپتەيمٸن. ودان ەكسپورتتىق ەلەۋەتٸمٸز ارتادى, تەڭگەمٸزدٸڭ تۇراقتىلىعىنا دا ىقپال ەتەدٸ. جوباعا سەرٸكتەس بولىپ وتىرعان Allur كومپانيياسى قازٸردٸڭ ٶزٸندە بٸراز ٶنٸمٸن كٶرشٸ ەلگە ەكسپورتتايدى ەكەن.
ەگەر جوعارىداعى مەلٸمەتتەر راس بولىپ, جۇمىس ورنىندارى اشىلىپ جاتسا, ەلٸمٸزدە اۆتو ٶندٸرٸسٸنٸڭ تولىق تسيكلٸ قويىلسا, وندا بۇل سالا مودەرنيزاتسييادان ٶتتٸ دەۋگە بولادى. ەرٸ ەل ەكونوميكاسىنا وڭ ەسەر ەتەتٸنٸ سٶزسٸز. قوستاناي ٶڭٸرٸندە مۇنداي جوبالاردىڭ باستالىپ جاتقانى ەرينە قۋانتادى.
بٸراق بۇل بۇعان دەيٸنگٸ سەتسٸز جوبالاردىڭ بٸرٸ بولىپ جاتسا, ەرتەڭ مەملەكەتتٸك بيۋدجەتتەن 4 پايىزدىق اۆتو نەسيە سيياقتى اتالعان زاۋىتتىڭ ٶنٸمدەرٸن قولداۋ كەرەك دەپ حالىق جيناعان قاراجاتتى اۋدارۋ ستسەناريٸ جٷرٸپ جاتسا. وندا حالىق بولىپ, ازاماتتىق قوعام بولىپ ونداي ەرەكەتتەرگە جول بەرمەۋٸمٸز قاجەت دەپ ەسەپتەيمٸن.
ماقسات حالىق, ەكونوميست
