Jemqorlardyń aqshasyna 43 jańa mektep salyndy
2023 jyldyń qorytyndysy boiynsha jemqorlardan tárkilengen qarajyǵa 43 mektep salynyp, paidalanýǵa berildi. Osylaisha, elimizde 3 apatty jáne 13 úsh aýysymdy mektep máselesi sheshildi, - dep jazylǵan habarlamada.
Óńirlerde jańa bilim berý nysandaryn iske qosý nátijesinde taǵy 54,4 myń jańa oqýshy orny paidalanýǵa berildi. Mysaly, Almaty jáne Túrkistan oblystarynda 8, al elordada 10 mektep salyndy.
«Bilim berý infraqurylymyn qoldaý qory» esebinen 76 738 oqýshyǵa arnalǵan 62 mekteptiń qurylysyna qarjy bólindi. Jobalarǵa jalpy 96 mlrd teńgeden asa qarjy aýdarylǵan. Ol jergilikti atqarýshy organdardyń shottaryna tústi.
Jalpy, qor jumys istegeli beri 150 mlrd teńgeden asa qarajat túsken. Qarjy mektepterdi, qosymsha ǵimarattar men internattardy jańartýǵa, sondai-aq úsh aýysymdy oqytý, apatty mektepter máselesin sheshýge jáne oqýshy oryndarynyń tapshylyǵyn joiýǵa jumsaldy.
