Aqmola oblysynda sýmen jabdyqtaý jelilerin salýǵa elge qaitarylǵan zańsyz iemdenilgen aktivter qarajaty esebinen 21,5 mlrd teńge bólindi, dep habarlaidy Dalanews.kz.
Memleket basshysynyń tapsyrmasy boiynsha Qazaqstanda elge qaitarylǵan zańsyz iemdenilgen aktivter qarajaty esebinen áleýmettik mańyzy bar nysandardy salý jalǵasýda. Aqmola oblysynda sýmen jabdyqtaý júiesin salýǵa Arnaýly memlekettik qordan 21,5 mlrd teńge bólindi.
Búginde óńirde sýmen jabdyqtaý salasynda 28 joba júzege asyrylýda. Zerendi aýdanynda jańa sý qubyry jelilerin salýǵa jáne qoldanystaǵy sý qubyry jelilerin jańǵyrtýǵa 6 mlrd 564 mln teńge qarastyrylǵan. Jumystar Aqadyr, Jylymdy, Qanai bi, Kókterek, Sadovoe, Troitsk, Vasilkovskoe, Órken, Ózen jáne Baratai aýyldarynda júrgizilýde.
Olardyń ishindegi eń irisi – 1 myńnan astam adam turatyn Órken kentindegi uzyndyǵy 6 shaqyrym sýmen jabdyqtaý júiesi. Jobanyń quny – 583 mln teńge.
Odan bólek, oblystyń 9 aýdanynda 2 mlrd 287 mln teńgeden astam somaǵa sýmen jabdyqtaýdyń jańa kózderin salý jáne qoldanystaǵy júielerdi rekonstrýktsiialaý júzege asyrylýda. Nysandardy paidalanýǵa berý osy jyldyń sońyna josparlanýda.
Sandyqtaý aýdanynda toptyq sý qubyry salynýda. Joba boiynsha 22,3 shaqyrym sýmen jabdyqtaý jelilerin salý kózdelgen. Ony júzege asyrýǵa arnaýly memlekettik qordan 200 mln teńge bólindi.
Sondai-aq Nura toptyq sý qubyryn rekonstrýktsiialaý jáne Pokrovskoe aýylynan Talapker jáne Qajymuqan aýyldaryna sý qubyryn tartý jumystary júrgizilýde. Eki jobanyń jalpy quny – 9,5 mlrd teńge.
Qazirgi ýaqytta Aqmola oblysynda qalalyq eldi mekenderde sýmen jabdyqtaý qyzmeti 99%-dy, al aýyldyq eldi mekenderde 96,6%-dy quraidy.
Búgingi tańda elimizde qaitarylǵan aktivterge densaýlyq saqtaý, sport, sondai-aq injenerlik jeliler men sý qurylystaryn jańartý salalaryndaǵy jobalar júzege asyrylýda.
