Jemqor kedenshilerdiń bári jumystan shyǵaryldy
"Kásipkerlerge aitarym: biz kontrabandaǵa qarsy soǵys ashtyq, qazir ol joq", - dedi sheneýnik Azattyq radiosy qyrǵyz qyzmetine bergen suqbatynda.
Kýbanychbekov «Azattyktyń» keden qyzmetindegi jemqorlyqqa qatysty jýrnalistik zertteýine bailanysty qyzmettik tekserý nátijelerin jariialady. – Jemqorlyqqa qatysy bar delingen 40 qyzmetkerdiń 14-i jumystan shyǵaryldy, altaýy kadr rezervine aýystyryldy. Tórt aidan soń biz olarǵa basqa jumys usynamyz, oǵan kelispegenderi jumystan shyǵady. Qalǵan 20 adamnyń jemqorlyqqa qatysy joǵy anyqtaldy, biraq olardy jaýapty qyzmetterge taǵaiyndamadyq, – dedi keden qyzmetiniń tóraǵasy.
Halyqaralyq respýblikalyq institýt zertteýinde keden qyzmeti 2020 jyly Qyrǵyzstandaǵy eń jemqor mekeme dep tanylǵan. Institýt saýalnamasyna qatysqan 1,5 myń adam osylai dep jaýap bergen.
