"كاسىپكەرلەرگە ايتارىم: ءبىز كونترابانداعا قارسى سوعىس اشتىق، ءقازىر ول جوق"، - دەدى شەنەۋنىك ازاتتىق راديوسى قىرعىز قىزمەتىنە بەرگەن سۇقباتىندا.
كۋبانىچبەكوۆ «ازاتتىكتىڭ» كەدەن قىزمەتىندەگى جەمقورلىققا قاتىستى جۋرناليستىك زەرتتەۋىنە بايلانىستى قىزمەتتىك تەكسەرۋ ناتيجەلەرىن جاريالادى. – جەمقورلىققا قاتىسى بار دەلىنگەن 40 قىزمەتكەردىڭ 14ء-ى جۇمىستان شىعارىلدى، التاۋى كادر رەزەرۆىنە اۋىستىرىلدى. ءتورت ايدان سوڭ ءبىز ولارعا باسقا جۇمىس ۇسىنامىز، وعان كەلىسپەگەندەرى جۇمىستان شىعادى. قالعان 20 ادامنىڭ جەمقورلىققا قاتىسى جوعى انىقتالدى، ءبىراق ولاردى جاۋاپتى قىزمەتتەرگە تاعايىندامادىق، – دەدى كەدەن قىزمەتىنىڭ ءتوراعاسى.
حالىقارالىق رەسپۋبليكالىق ينستيتۋت زەرتتەۋىندە كەدەن قىزمەتى 2020 جىلى قىرعىزستانداعى ەڭ جەمقور مەكەمە دەپ تانىلعان. ينستيتۋت ساۋالناماسىنا قاتىسقان 1،5 مىڭ ادام وسىلاي دەپ جاۋاپ بەرگەن.
